Ikomi an ye Hadamaden dafabaliw ye, an ka kan ka siɲɛ ta tuma bɛɛ walasa ka ta’a fɛ ka se sɔrɔ an negew kan. Ni an y’a to an negew ka se sɔrɔ an kan, o bɛ se ka kɛ sababu ye an ka bɔnɛ Jehova ka mandiya la. Misali la, mɔgɔ dɔw b’a to dumuni, finiw ani siyɔrɔko ka u bali ka Ala kanu. Mɔgɔ dɔw bɛ u ka cɛnimusoya negew wasa sira dɔ fɛ min bɛ Ala ka sariyakolow sɔsɔ. (Romɛkaw 1:26, 27) Mɔgɔ dɔw fana bɛ tugu mɔgɔ wɛrɛw nɔfɛ ka ko jugu kɛ bawo u b’a fɛ u ko ka diya mɔgɔw ye walima mɔgɔw ka sɔn u la.—Ekisode 23:2.

An bɛ se ka se sɔrɔ an negew kan cogo di? An ka kan ka an seko bɛɛ kɛ walasa an sinsinnen ka to fɛnw kan minnu ka di Jehova ye. (Matiyu 4:4) Ani fana, an ka kan ka Jehova sɛbɛkɔrɔ deli a ka an dɛmɛ an ka se sɔrɔ an negew kan. Mun na? Bawo ale de b’a dɔn fɛn min ka ɲi an ma ani a b’a dɔn an ka kan ka an nege bɛnnenw wasa cogo min na.—Zaburu 145:16.

NIN WIDEYO LAJƐ: KANA A TO I KA ƝƐNAMAYA KA TAA SISI FƐ, O KƆ AW KA NIN ƝININKALI NINNU JAABI:

• Mun na mɔgɔ dɔw bɛ sigarɛti min?

• Sigarɛtimin bɛ se ka mun de kɛ i la?

• Mun na sigarɛti sifaw bɛɛ minni man ɲi?—2 Kɔrɛntekaw 7:1

• I bɛ se ka ban sigarɛtimin ma walima yɛrɛ ka a minni dabila cogo di?