Walasa Bibulukalanden ko ka diya Ala ye, a ka kan ka a ka dannaya barika bonya kosɛbɛ. (Heburuw 11:6) An bɛ se ka u dɛmɛ u ka o kɛ an kɛtɔ ka baara kɛ ni Ɲɛnamaya kɛ nisɔndiya la fo badaa! gafe ye. Tɛmɛsira kolomaw, hakilijagabɔ cogo jɛlen, ɲininkali minnu bɛ nɔ bɔ, wideyo minnu bɛ dusu don mɔgɔ kɔnɔ ani ja cɛɲumanbaw bɛ o gafe kɔnɔ. An kɛtɔ ka Bibulukalandenw dɛmɛ u ka krecɛn jogow sɛnɛ u yɛrɛ la ani ka jɛɲɔgɔnya don u ni Ala cɛ, an bɛ ka jɔli kɛ ni minɛnw ye tasuma tɛ se ka minnu jeni.—1 Kɔrɛntekaw 3:12-15.

Mɔgɔ dɔw b’a miiri ko a ka gɛlɛn ka kɛ Ala teri ye bawo u tɛ se ka a ye. O la, an ka kan ka u dɛmɛ u ka Jehova dɔn ani ka u jigi da a kan.

NIN WIDEYO LAJƐ: MƆGƆW KA DANNAYA BARIKA BONYA JEHOVA LA, I KƐTƆ KA BAARA KƐ NI “ƝƐNAMAYA KƐ NISƆNDIYA LA FO BADAA!” GAFE YE, O KƆ AW KA NIN ƝININKALI NINNU JAABI:

• An b’a dɔn cogo di ko balimamuso y’a labɛn ka ɲɛ kosɛbɛ Bibulukalan kama?

• Balimamuso ye ɲininkali farankan bɛnnen damadɔw sugandi. A ye baara kɛ ni olu ye cogo di walasa ka Bibulukalanden dɛmɛ a k’a hakilina fɔ Esayi 41:10, 13 kan?

• Wideyo ani Bibulu tɛmɛsiraw ye nɔ jumɛn bila Bibulukalanden na?

Mɔgɔ caman tɛ kunmabɔ sara ko faamu, walima u t’a jate iko Ala ka nilifɛn min dira u ma. (Galasikaw 2:20) O la, an ka kan ka u dɛmɛ u k’u ka dannaya barika bonya Yesu ka Kunmabɔ saraka la.

NIN WIDEYO LAJƐ: MƆGƆW KA DANNAYA BARIKA BONYA YESU LA, I KƐTƆ KA BAARA KƐ NI “ƝƐNAMAYA KƐ NISƆNDIYA LA FO BADAA!” GAFE YE, O KƆ AW KA NIN ƝININKALI NINNU JAABI:

• An b’a dɔn cogo di ko balimakɛ y’a labɛn ka ɲɛ kosɛbɛ Bibulukalan kama?

• Fɛn minnu bɛ “Ninnu lajɛ” yɔrɔ la, a ye baara kɛ ni olu dɔ ye ka ɲɛ cogo di walasa ka kalanden dɛmɛ?

• Mun na a nafa ka bon ka delili kɛ kalanden ye?