I DEGE WAAJULIBAARA LA | DƆ FARA I KA NISƆNDIYA KAN WAAJULIBAARA LA

Bibulukalandenw dɛmɛ u ka jɛɲɔgɔnya sɛbɛ don u ni Jehova cɛ

A BILA A LA

Jehova b’a fɛ an k’a bato ka d’a kan an b’a kanu. (Matiyu 22:37, 38) Kanuya min bɛ Bibulukalandenw la ka ɲɛsin Ala ma o de bɛna fanga di u ma u ka yɛlɛma bɛnnenw kɛ ani ka to kantigiya la kɔrɔbɔliw kɔnɔna na. (1 Yuhana 5:3) Kanuya min bɛ u la ka ɲɛsin Ala ma o de bɛna u bila ka batɛmu ta.

I ka Bibulukalandenw dɛmɛ u k’a ye ko Ala bɛ u kanu. Nin ɲininkali suguw kɛ u la: “Nin bɛ i kalan mun de la Jehova ko la?” walima “Nin b’a jira cogo di ko Ala bɛ i kanu?” U dɛmɛ u k’a ye Jehova bɛ ka u bɛɛ kelen-kelen dɛmɛ cogo min na. (2 Tilew Kibaru 16:9) Jehova ye i ka delili kɛrɛnkɛrɛnnenw jaabi cogo min na, o misali dɔw fɔ u ye ani ka dusu don u kɔnɔ u k’a jateminɛ Jehova bɛ u ka deliliw jaabi cogo min na. Ni an y’a ye ko Bibulukalandenw y’a ye ko Jehova bɛ u kanu ani ni u b’a jira ko olu fana bɛ Jehova kanu ani ko u b’a fɛ ka kɛ a teriw ye, an bɛ nisɔndiya kosɛbɛ.

NIN WIDEYO LAJƐ: AW YE AW KA BIBULUKALANDENW DƐMƐ U KA JƐƝƆGƆNYA SƐBƐ DON U NI JEHOVA CƐ, O KƆ AW KA NIN ƝININKALI NINNU JAABI: