An mago bɛ fɛn o fɛn na walasa ka kɔrɔbɔliw muɲu nin laban don gɛlɛmanw na, Ala ka Kuma bɛ o bɛɛ di an ma. (2 Timote 3:1, 16, 17) O de la, tuma dɔw la, an mago bɛ dɛmɛ na walasa ka Bibulu ka sariyakolow sɔrɔ minnu ɲɛsinna ko kɛrɛnkɛrɛnnen dɔ ma. Misali la, yala i ye bangebaga ye min bɛ laadilikanw ɲini a denw lamɔcogo kan wa? Yala i ye funankɛ ye min ka dannaya bɛ ka kɔrɔbɔ wa? Yala i ye muso cɛ salen wala cɛ muso salen dɔ ye min dusu tiɲɛnen don a furuɲɔgɔn saya kosɔn wa? I bɛna kunnafoniw sɔrɔ jw.org kan minnu bɛ Bibulu sariyakolo kɛrɛnkɛrɛnnenw di i ma, minnu bɛna i dɛmɛ nin ko ninnu na ani ko wɛrɛ caman fana na.—Ntalenw 2:3-6.

Ni i taara jw.org siti daminɛ yɔrɔ la, BIBULU KALANSIRAW yɔrɔ digi. (Ja 1 lajɛ.) Barokun minnu bɛ yen, olu cɛla, min ka di i ye o sugandi. Walima yan yɔrɔ digi, BIBLIOTHÈQUE (BIBILIYOTƐKI) > RUBRIQUES (BAROKUNW), o kɔ barokun min ka di i ye o sugandi. (Ja 2nan lajɛ.) I bɛ se ka o yɔrɔ kelenw sɔrɔ JW Library kan^®. * Laala a bɛ se ka diya i ye dɔrɔn ka barokunw lajɛ minnu bɛ sɔrɔ o yɔrɔw dɔ la kelen na. Fɛn wɛrɛ min bɛ se ka kɛ, o ye ka barokun kɛrɛnkɛrɛnnen dɔ ɲini jw.org ɲinini kɛyɔrɔ la.

Nin barokun ninnu sɛbɛn ɲinini kɛyɔrɔ la, ani i b’a fɛ ka barokun minnu kalan, taamashyɛn kɛ olu la.

• Denw lamɔcogo

• Funankɛninw ka dusutiɲɛ

• Furuɲɔgɔn saya