Tariku kɔnɔna na, Ala batobagaw ye fɛn kabakomaw kɛ, u ma se ka olu kɛ u yɛrɛw ka sekow barika la, nka u sera ka o kɛ Jehova ka dɛmɛ sababu la. San 1954 kɔnɔna na, Jehova ka jɛkuluba ye filimu dɔ bɔ min tɔgɔ ye, Diɲɛ kura mɔgɔw bɛ baara la. Minnu ye o filimu kɛ, olu fanba kɛra Betɛli kɔnɔmɔgɔw ye dɔnniya fosi tun tɛ minnu na filimu kɛli la. O baara gɛlɛnba in sera ka kɛ Jehova ka hakili senu barika dɔrɔn de la. O b’a jira an na ko ni an ye an jigi da Jehova kan, baara o baara mana kalifa an ma, an bɛna se ka o kɛ ka ɲɛ.—Zakari 4:6.

WIDEYO LAJƐ MIN TƆGƆ YE KO, “DIƝƐ KURA MƆGƆW BƐ BAARA LA”, O BƆLI KO, O KƆ AW KA NIN ƝININKALI NINNU JAABI:

• Mun na latigɛli dɔ kɛra walasa ka filimu dɔ bɔ jɛkulu sigiyɔrɔsoba ko la?

• Filimu y’a jira cogo di ko Betɛli bɛ i n’a fɔ hadamaden farikolo?—1 Kɔrɛntekaw 12:14-20

• Balimaw ye gɛlɛya jumɛnw sɔrɔ tuma min na u bɛ ka nin filimu kɛ ani u ye se sɔrɔ o gɛlɛyaw kan cogo di?

• Nin ko kɛlen in bɛ an kalan mun de la Jehova ka hakili senu ko la?