Jehova ye delili minnu jaabi, Bibulu falen bɛ o misaliw la. Jehova batobagaw ye delili minnu kɛ u yɛrɛw ka gɛlɛya dɔw ko la, u kɛlen k’a ye Jehova ye o deliliw jaabi cogo min na ani ka u dɛmɛ, siga t’a la ko o ye u ka dannaya barika bonya. O de la, a ka ɲi an ka to ka an ka deliliw fɔ k’u pereperelatigɛ ani k’a ɲini ka Jehova ka jaabi dɔn. An k’a to an hakili la ko, an bɛ fɛn min ɲini Jehova fɛ, a bɛ se ka kɛ ko Jehova tɛna o fɛn tigitigi di an ma walima ko a bɛ fɛn di an ma min ka bon ni o ye. (2 Kɔrɛntekaw 12:7-9; Efesekaw 3:20) Jehova bɛ se ka mun de di an ma ka kɛ an ka deliliw jaabi ye?

• Fanga farikolo ta fan fɛ, dusukun lafiya ani dannaya walasa ka gɛlɛya dɔ muɲu.—Filipekaw 4:13

• Hakilitigiya walasa ka latigɛli ɲuman kɛ.—Yakuba 1:5

• Fɛn dɔ kɛli nege ani a kɛli se.—Filipekaw 2:13

• Hakilisigi ni jɔrɔnankow bɛ an kan.—Filipekaw 4:6, 7

• Dɛmɛ farikolo ani dusukun ta fan fɛ ka bɔ mɔgɔ wɛrɛw yɔrɔ.—1 Yuhana 3:17, 18

• Dɛmɛ ka ɲɛsin mɔgɔw ma an bɛ ka delili kɛ minnu ye.—Kɛwalew 12:5, 11

NIN WIDEYO LAJƐ: JEHOVA DE “BƐ DELILI LAMƐN”, O KƆ AW KA NIN ƝININKALI NINNU JAABI:

• Balimakɛ Shimizu ka ko bɛ se ka dusu don an kɔnɔ cogo di ni kɛnɛyako gɛlɛya bɛ an bali ka fɛn dɔw kɛ?

• An bɛ se ka balimakɛ Shimizu ka misali ladege cogo di?