Balimaw bɛ baaraba kɛ walasa ka baro kɛcogo misaliw labɛn ani weleweledala caman y’a ye ko o baro kɛcogo misaliw bɛ nɔ bɔ kosɛbɛ waajuli la. O n’a ta bɛɛ, ikomi kow cogoyaw tɛ kelen ye diɲɛ fan bɛɛ, weleweledalaw bɛ se ka baara kɛ ni o kumaw ye sira wɛrɛ fɛ walima ka kuma barokun wɛrɛ kan min ko bɛ diya u ka yɔrɔ mɔgɔw ye waajuli la. Nka bɛɛ ka kan ka tugu bilasiraliw kɔ minnu bɛ di kanpaɲiw kosɔn. An kuntilenna ye ka Yesu ka cikan kɛ k’a dafa, o min ye ka Masaya kibaru duman waajuli kɛ.—Matiyu 24:14.

Ni barokunw dira kalandenw ma, weleweledalaw ka kan ka kuma barokun kan min bɛ baro kɛcogo misaliw kɔnɔ an ka Krecɛnya ni waajulibaara lajɛ sɛbɛn kɔnɔ. Nka ni fɛn ma fɔ kalandenw ka kan ka baara kɛ ni min ye, o la, u bɛ se ka ɲininkali, tɛmɛsira, ɲininkali segin-ka-bɔnye nata kama walima u kɛcogo wɛrɛw sugandi minnu bɛna nɔ bɔ u ka waajulikɛyɔrɔ la. Nin bɛ yɛlɛma don bilasiraliw la minnu dira san 2020 Zuwɛnkalo lajɛ sɛbɛn ɲɛ 8 kan.