Walasa ka se ka bɔ i ka yɔrɔ la ani ka taa yɔrɔ wɛrɛ la walasa ka caman kɛ waajulibaara la, i mago bɛ dannaya la. (Heburuw 11:8-10) Ni i bɛ ka miiri k’a lajɛ n’a y’a sɔrɔ i bɛ se ka taa yɔrɔ la, magoba bɛ yɔrɔ min na, kuma aw ka diinɛ maakɔrɔw fɛ. I bɛ se ka fɛn kɛrɛnkɛrɛnnen jumɛnw de kɛ walasa k’a dɔn ni o ye kuntilenna ye min bɛnnen don ani ka yɔrɔ dɔ sugandi? Ka taa yɔrɔ la, magoba bɛ yɔrɔ min na, an ka gafew bɛ min fɔ o ko kan, o lajɛ. Kuma ni mɔgɔw ye minnu sera ka yɛlɛma ka taa jɛkulu wɛrɛ dɛmɛ. (Ntalenw 15:22) Jehova deli ani k’a ɲini a fɛ a ka i ɲɛminɛ. (Yakuba 1:5) A mana kɛ yɔrɔ o yɔrɔ, i b’a fɛ ka taa min na, a ɲini ka fɛn caman dɔn o yɔrɔ kan fɔlɔ. N’a bɛ se ka kɛ, taa bɔ o yɔrɔ la walasa k’a ko lajɛ fɔlɔ ka sɔrɔ ka latigɛli kɛ.

NIN WIDEYO LAJƐ: DA MIN YƐLƐLA AW ƝƐ WALASA AW KA BAARA KƐ, A’YE DON O FƐ NI DANNAYA YE—TAA YƆRƆ LA, MAGOBA BƐ YƆRƆ MIN NA, O KƆ AW KA NIN ƝININKALI NINNU JAABI:

• Gabriel ye se sɔrɔ gɛlɛya jumɛnw de kan ani mun de y’a dɛmɛ?