Bibulu lamɛnta ye mun ye? Segin kɛra Traduction du monde nouveau bayɛlɛmali kan, o kantalen de ye Bibulu lamɛnta ye. O bɛ ka bɔ dɔɔnin-dɔɔnin kan caman na. Fɛn dɔ min bɛ dɛmɛ kɛ kosɛbɛ o kantalen in na, o ye ko mɔgɔ kelen dɔrɔn kumakan tɛ o kantalen na. Mɔgɔ minnu ye u kan di Bibulu kɔnɔmɔgɔw nɔ na, o mɔgɔw si ni si tɛ kelen ye. U ye o kumaw kalan cogo ɲumanba la ani ka u yɛrɛw bila Bibulu kɔnɔmɔgɔw nɔ na walisa ka Bibulu cikan labɔ ka jɛya.

Mɔgɔ dɔw bɛ ka nafa bɔ Bibulu lamɛnta la cogo di? Bibulu kantalen lamɛnni b’a to a bɛ kɛ iko o kow bɛ ka kɛ an ɲɛna yɛrɛ de. O kɛcogo in diyara mɔgɔ caman ye minnu b’a lamɛn tuma bɛɛ. U y’a ye ko ni Bibulu kɔnɔmɔgɔw kelen-kelen bɛɛ ni u kumakan don, o b’a to u ka se ka ko kɛlenw ye ka ɲɛ kosɛbɛ u hakili la, ani fɛn min sɛbɛnna, u bɛ faamuyali jɛlen sɔrɔ o la. (Ntalenw 4:5) Mɔgɔ caman fana y’a ye ko ni haminako bɛ u la, Bibulu kantalen lamɛnni bɛ u nisɔndiya kosɛbɛ.—Zaburu 94:19.

Ka Ala ka Kuma kantalen lamɛn kanba la, o bɛ se ka nɔba bila an ka ɲɛnamaya la. (2 Tilew Kibaru 34:19-21) Ni Bibulu lamɛnta fan dɔ walima a bɛɛ bɛ kan dɔ la i bɛ se ka min faamu, yala i bɛ se ka o lamɛnni sen don i ka alakow la i bɛ minnu kɛ tuma bɛɛ wa?

NIN WIDEYO LAJƐ: BIBULU LAMƐNTA DILANNI—YƆRƆ DƆ, O KƆ AW KA NIN ƝININKALI JAABI:

Mun de bɛ i dabali ban Bibulu lamɛnta dilanni ko la?