Bibulukalan wideyo naani bɛ an bolo an bɛ baara kɛ ni minnu ye waajulibaara kɔnɔna na. U kelen-kelen bɛɛ dilanna kun jumɛn kama?

• Mun na an ka kan ka Bibulu kalan?—A wideyo janmanjan o dilanna walasa ka mɔgɔw dɛmɛ u ka u mago don Bibulu la hali ni u ka dannayakow mana kɛ fɛn o fɛn ye. Ɲininkali minnu nafa ka bon ni ɲininkaliw bɛɛ ye ɲɛnamaya kɔnɔ, o wideyo bɛ dusu don a lajɛbagaw kɔnɔ u ka olu jaabiw ɲini Bibulu kɔnɔ. A bɛ ɲininkali dɔw jaabi nɔgɔmanw di fana u ma ka bɔ Bibulu kɔnɔ. Mɔgɔ bɛ Bibulukalan ɲini cogo min na, a bɛ o ɲɛfɔ.

• Mun na an ka kan ka Bibulu kalan? (A wideyo surunman), ale ni a wideyo janmanjan bɔlen don, nka ale janya saba bɛ bɔ o la. Nin wideyo in bɛ se ka nɔ bɔ kosɛbɛ waajulikɛyɔrɔw la minnu na waati caman tɛ mɔgɔw bolo ka baro kɛ.

• Bibulu kalan bɛ kɛ cogo di? An bɛ Bibulukalan kɛ mɔgɔw kun fu la. O la, nin wideyo in dilanna walasa ka mɔgɔw bila u ka u mago don o Bibulukalan na. Mɔgɔw bɛ ɲininkali minnu kɛ o kalan ko la, nin wideyo bɛ olu caman jaabiw di, ani a b’a jira fana Bibulukalan bɛ ɲini cogo min na.

• I danse i ka Bibulukalan na, o wideyo dilanna walasa k’a jira Bibulukalandenw na. Hali k’a sɔrɔ o wideyo kofɔra Ɲɛnamaya kɛ nisɔndiya la fo badaa! gafe ɲɛ 2 nan na, a bɛ se ka jira ni i bɛ ka baro kɛ mɔgɔw fɛ ni Ɲɛnamaya kɛ nisɔndiya la fo badaa! gafenin ye. O gafe kɔnɔkow ani kalanden bɛ se ka sigi ni min ye kalan kɔnɔna na, nin wideyo bɛ o bakurubafɔ.

Hali ni nin wideyo ninnu kelen-kelen bɛɛ dilanna kun kɛrɛnkɛrɛnnen dɔ kama, ni i ma se ka u jira o waati fɔlenw na, u bɛɛ kelen-kelen bɛ se ka jira walima ka ci mɔgɔw ma waati wɛrɛ la. A ɲininen bɛ weleweledalaw fɛ u k’a ɲini ka nin wideyo ninnu dɔn ka ɲɛ ani ka to ka baara kɛ ni u ye koɲuman waajulibaara la.