Sɛbɛnw ani wideyow bɛ sɔrɔ an ka siti daminɛ yɔrɔ la mɔgɔ kɔnɔnajɛlenw kama minnu tɛ Jehova Seerew ye. (Kɛwalew 13:48) Tuma caman na, barokun dɔw bɛ sɔrɔ yen minnu bɛ kuma kunnafoniw kan walima minnu bɛ kow kan mɔgɔw ka teli ka miiri ani ka kuma minnu kan.

I bɛ se ka baara kɛ ni jw.org siti daminɛ yɔrɔ ye cogo di i ka waajulibaara la?

• To ka taa siti kan tuma bɛɛ. Kana pan ninnu kun na, fɛn minnu bɛ to ka kɛ o yɔrɔ la, to ka olu lajɛ tuma bɛɛ ani ka jateminɛ kɛ k‘a lajɛ i bɛ se ka baara kɛ ni olu ye cogo min na walasa ka mɔgɔw dɛmɛ kibaru duman ka di minnu ye. (Walasa ka fɛn wɛrɛ sɔrɔ, min bilala siti daminɛ yɔrɔ la kɔsa in na, taa siti kan tubabukan na ani ka “Voir plus” yɔrɔ digi.) Ni i bɛɛ taa siti kan tuma bɛɛ, o bɛna i dɛmɛ ka fɛn kuraw sɔrɔ i bɛ baro kɛ minnu kan i ka waajulibaara kɔnɔna na.

• Barokunw ani wideyo minnu bɛ kɛ siti daminɛ yɔrɔ la, baara kɛ ni olu ye ka baro daminɛ. O yɔrɔ bɛ se ka hakilina di i ma fɛnw kan i ka waajulikɛyɔrɔ mɔgɔw ka teli ka miiri minnu ko la.

• Siti daminɛ yɔrɔ jira mɔgɔw la. Barokun kɛrɛnkɛrɛnnen dɔw jira mɔgɔw la, ani u bɛ se ka fɛnw sɔrɔ an ka siti kan cogo min na, o fana jira u la.

• Fɛnw sɔrɔyɔrɔ liyɛn ci. Mɔgɔ dɔw t’a fɛ ka kuma ni an ye ɲɛ ni ɲɛ, nka a ka di u ye ka taa an ka siti kan. O la, kibaru duman ka di minnu ye, kana sigasiga ka siti daminɛ yɔrɔ liyɛn ci olu ma. Barokun dɔ walima wideyo kɛrɛnkɛrɛnnen dɔ min bɛ sɔrɔ siti daminɛ yɔrɔ la, kana sigasiga fana ka o liyɛn ci u ma.