Mɔgɔ minnu bɛ bila an kɔ, olu bɛ se ka ko jugu kɛ an na farikolo ani dusukun ta fan fɛ. Ni u bɛ ka an kɛlɛ an ka bato kosɔn, ni an siranna, u bɛ se hali ka ko jugu kɛ an na alako ta fan fɛ. Mɔgɔ minnu bɛ bila i kɔ, i bɛ se ka i yɛrɛ lakana olu ma cogo di?

Jehova batobaga caman sera ka se sɔrɔ o mɔgɔ suguw kan u kɛtɔ ka u jigi da Jehova kan. (Zaburu 18:17) Misali la, Haman mɔgɔ jugu tun bilalen bɛ Yahutuw kɔ, Esiteri kumana walasa ka o mɔgɔ jugu ka fɛɛrɛ sigilenw da kɛnɛ kan. (Esiteri 7:​1-6) Sani a ka o kɛ, a y’a jira k’a jigi dalen bɛ Jehova kan a kɛtɔ ka sun don. (Esiteri 4:​14-16) Jehova dubara Esiteri ka walew ye ani ka ale yɛrɛ ni a ka mɔgɔw lakana.

Funankɛw, ni mɔgɔ dɔ bilalen bɛ aw kɔ, aw ka dɛmɛ ɲini Jehova fɛ ani k’o gɛlɛya ko fɔ mɔgɔkɔrɔba kodɔnna dɔ ye i n’a fɔ aw bangebagaw. Aw bɛ se ka d’a la ko Jehova bɛna aw dɛmɛ iko a ye Esiteri dɛmɛ cogo min na. Aw bɛ se ka fɛn wɛrɛ jumɛn kɛ walasa ka se sɔrɔ o mɔgɔ suguw kan?

NIN WIDEYO LAJƐ: NE KA FUNANKƐYA KƆNƆNA NA—NI MƆGƆ BILALA NE KƆ, NE BƐ SE KA SE SƆRƆ O KAN COGO DI? O KƆ AW KA NIN ƝININKALI NINNU JAABI:

• Funankɛw bɛ se ka kalansira jumɛnw de sɔrɔ ka bɔ Charlie ni Ferin ka misaliw la?

  I ka jaabi

• Ni mɔgɔ bilala aw denw kɔ, u mago bɛ dɛmɛ min na, Charlie ni Ferin ye fɛn minnu fɔ o kan, bangebagaw bɛ se ka kalan jumɛn de sɔrɔ o la?

  I ka jaabi