San o san, Jehova ka jamakulu bɛ kow sigi sen kan walasa ka Hakilijigin seli kɛ ɲɔgɔn fɛ. Hakilijigin seli waati la, an bɛ nafa bɔ cogo kɛrɛnkɛrɛnnenw na ka Jehova tanu ani ka a waleɲumandɔn a ka nilifɛn ­kosɔn, o min ye kunmabɔ sara ye. (Efesekaw 1:​3, 7) ­Misali la, an bɛ an dusukun bɛɛ don mɔgɔw weleli la u ka na Hakilijigin seli la. Dɔw bɛ se ka u ka kow boloda walasa u ka se ka kɛ tutigɛbaga farankanw ye ka lɛrɛ 30 walima 50 kɛ Marisikalo walima Awirilikalo la. Yala a bɛ diya i ye ka dɔ fara i ka waajulibaara kan nin Hakilijigin seli waati la wa? Mun de bɛ se ka i dɛmɛ ka o kɛ?

Tuma caman, an bɛ se ka fɛn caman kɛ ni an kɔnna ka kow boloda. (Ntalenw 21:5) Ikomi sɔɔni dɔrɔn, Hakilijigin seli waati bɛ se, o la, sisan de ye waati ye min na an ka kan ka kow bolodali daminɛ. A bɛ diya i ye ka dɔ fara i ka waajulibaara kan cogo min na, i hakili jagabɔ o kan, ani i ka kan ka min kɛ walisa ka i ka kuntilennaw dafa, o latigɛ. O kɔ Jehova deli a ka duba i ka cɛsiriw ye.​—1 Yuhana 5:​14, 15.

I bɛ se ka dɔ fara i ka waajulibaara kan sira minnu fɛ Hakilijigin seli waati la, yala i bɛ se ka miiri olu dɔw la wa?