Mun na k’i labɛn kabini sisan? Kasaaraw walima banaw bɛ se ka cun i kan k’a sɔrɔ i tun ma sigi ni o ye. O de kama, i k’i labɛn ni i seko bɛɛ ye sani bana dɔ ka cun i kan, min ko ka kan ka ɲɛnabɔ teliya la, o b’a to i ka se ka fura kɛcogo bɛɛ la ɲuman sɔrɔ ni o ko sugu cunna i kan. Ni i ye o kɛ, i b’a jira o fɛ ko i bɛ bonya da ɲɛnamaya ani Jehova ka sariya kan min ɲɛsinnen bɛ joli ma.—Kɛwalew 15:28, 29.

I bɛ se ka mun de kɛ k’i yɛrɛ labɛn?

• Delili kɛ walisa ka Instructions médicales (Furakɛlicogo fɛɛrɛ) (DPA) a karti kunnafoniw lafa koɲuman. Weleweledala minnu batisera, olu bɛ se ka u yɛrɛw ka DPA karti sɔrɔ balima fɛ, min bɛ sɛbɛnw koɲɛw kunna. U bɛ se fana ka Document d’identité médical (Furakɛlicogo fɛɛrɛ sɛbɛn) (ic) sɔrɔ a fɛ, u ka denmisɛn fitininw kama

• Ni i ye muso kɔnɔma ye, Informations pour les femmes enceintes (Kunnafoniw muso kɔnɔmaw kama) (S-401) sɛbɛn ɲini diinɛ maakɔrɔw fɛ. O sɛbɛn bɛna i dɛmɛ i ka latigɛli ɲumanw kɛ ka ɲɛsin gɛlɛyaw ma furakɛlicogo ta fan fɛ i ka kɔnɔmaya waati la ani i jigin tuma na

• Ni furakɛli fɛɛrɛ dɔ ka kan ka kɛ i la walima ni i ka kan ka lada dɔgɔtɔrɔso la, kɔn ka aw ka jɛkulu diinɛ maakɔrɔw ladɔnniya o la, ani k’a fɔ dɔgɔtɔrɔso mɔgɔw ye, ko i b’a fɛ Jehova Seerew ka diinɛ maakɔrɔ dɔ ka na bɔ i ye dɔgɔtɔrɔso la

Diinɛ maakɔrɔw bɛ se ka dɛmɛ don cogo di? U bɛ se ka i dɛmɛ i k’i ka DPA karti kunnafoniw lafa koɲuman. O n’a ta bɛɛ, diinɛ maakɔrɔw tɛna furakɛli fɛɛrɛ latigɛliw kɛ i ye walima i yɛrɛ ka kan ka sugandili min kɛ i yɛrɛ ye, u tɛna u yɛrɛw hakilinaw di o kan. (Romɛkaw 14:12; Galasikaw 6:5) Ni i ye aw ka yɔrɔ diinɛ maakɔrɔw ladɔnniya ko kɛnɛyako gɛlɛya bɛ i kan joli ko bɛ se ka ye min kɔnɔ, olu bɛ sin ka comité de liaison hospitalier (CLH) (Banabagatɔw ka kow ɲɛnabɔbagaw ka komite) mɔgɔw wele joona-joona i ye.

CLH bɛ se ka dɛmɛ kɛ cogo di? Balima minnu bɛ CLH kɔnɔ, olu kalanna walisa ka dɔgɔtɔrɔso mɔgɔw ani sariya mɔgɔw dɛmɛ u ka se k’a faamu an hakilina ye min ye an ka diinɛ kɔnɔ ka ɲɛsin joli ma. U bɛ se ka kuma i ka dɔgɔtɔrɔ fɛ furakɛli cogo fɛɛrɛ dɔw kan walisa ka i tanga jolidon ma. Ni i mago b’a la, u bɛ se ka i dɛmɛ i ka dɔgɔtɔrɔ dɔ sɔrɔ min bɛ sɔn ka i furakɛ ka kɛɲɛ ni i ka latigɛliw ye joli ko ta fan fɛ.

NIN WIDEYO LAJƐ: FURAKƐLI COGO MINNU ƝƐSINNEN BƐ JOLI MA, O LATIGƐLIW BƐ KƐ COGO MIN NA, O KƆ AW KA NIN ƝININKALI JAABI:

• Kasaaraw walima bana dɔw bɛ se ka cun i kan joli ko sen bɛ minnu na. I ye mun de kalan nin wideyo in kɔnɔ min bɛ se ka i dɛmɛ i k’i labɛn o ko kama?

  textarea