• Zaburu 23:3—“Sira ɲuman” (tilennenya siraw) ye jumɛnw de ye, ani mun de bɛ an dɛmɛ an kana o siraw bila? (w11-F 15/2 24 § 1-3)

  I ka jaabi

• E ye nafolomafɛn jumɛnw de sɔrɔ ka bɔ Ala ka Kuma kɔnɔ nin dɔgɔkun Bibulukalan in sen fɛ?

  I ka jaabi

Sagaw bɛ u dɛndɛbaa kumakan dɔn ani u bɛ tugu a nɔfɛ. Nka u bɛ boli dunan ɲɛ, u tɛ o min kumakan dɔn. (Yuhana 10:5) O cogo kelen na, an bɛ an dɛndɛbaaw Jehova ni Yesu kumakan lamɛn, olu minnu ye dɛndɛbaa kanumaw ani dannamɔgɔw ye. (Zaburu 23:1; Yuhana 10:11) Nka an tɛ sɔn ka dunanw kumakan lamɛn, olu minnu b’a ɲini ka an ka dannaya barika dɔgɔya ni “lafilili kumaw” ye.—2 Piɛrɛ 2:​1, 3.

Siɲɛ fɔlɔ min na dunan kumakan lamɛnna dugukolo kan, Jenɛse tilayɔrɔba sabanan bɛ o ɲɛfɔ. Sitanɛ tɛmɛnna sa fɛ walisa ka kuma Hawa fɛ, o cogo la, Hawa tun t’a dɔn mɔgɔ min tun bɛ ka kuma a fɛ tigitigi. Sitanɛ y’a yɛrɛ kɛ iko Hawa teri, a ye nkalon tigɛ Jehova ka kumaw ani a ŋaniyaw ko la. Dusukasiko don k’a ye ko Hawa y’a lamɛn, wa o nana ni tɔɔrɔbaw ye ka ɲɛsin a yɛrɛ ani a ka denbaya ma.

Bi fana, Sitanɛ b’a ɲini ka siga-siga bila an na Jehova ni a ka jɛkuluba ko la. A b’o kɛ a kɛtɔ ka kunnafoni kolonw jɛnsɛn u ko la, a bɛ baara kɛ fana ni kumaw ye minnu tɛ nkalon ye tigitigi ani u fana tɛ tiɲɛ ye tigitigi, ka fara nkalonfinw kan. Ni an ye dunan kumakan mɛn dɔrɔn, an ka kan ka boli! Ka o kumakan lamɛn hali waatinin dɔrɔn kɔnɔ bawo ko o kunpan bɛ an na, o ye faratiba de ye. Sitanɛ mago jɔra daɲɛ joli de la walisa ka Hawa lafili u ka baro kunkurunnin kɔnɔna na? (Jenɛse 3:​1, 4, 5) Nka an dɔnbaga dɔ, min bɛ an kanu, ani ŋaniya ɲumanw b’a la, ni o b’a fɛ ka kunnafoni kolonw fɔ an ye Jehova ka jɛkuluba ko la dun, an bɛ mun de kɛ?

Nin WIDEYO jira: An kana ‘dunanw kumakan lamɛn’. O kɔ, nin ɲininkali kɛ mɔgɔw la:

Jade ba tɛ Jehova Seere ye, a y’a ɲini ka kunnafoni kolonw fɔ Jade ye Jehova ka jɛkuluba ko la. Jade ye o ko ɲɛnabɔ cogo min na, i ye kalan jumɛn sɔrɔ o la?