Awirilikalo tile 29–Mɛkalo tile 5
ZABURUW 34-35
Dɔnkili 10 ani delili | Ɲɛbilakumaw (miniti 1)
1. “An ka Jehova tanu tuma bɛɛ”
(miniti 10)
Dawuda ye Jehova tanu hali kɔrɔbɔliw waati la (Zaburu 34:2; w07-F 1/3 22 § 11)
Dawuda ye Jehova kɛ a yɛrɛ bonya sababu ye, nka a ma waso ni a yɛrɛ ye (Zaburu 34:3-5; w07-F 1/3 22 § 13)
Dawuda ka tanuli kumaw ye a jɛɲɔgɔnw barika bonya (Zaburu 34:6; w07-F 1/3 23 § 15)
Dawuda kɛlen kɔ ka tila ka bɔ Abimelɛk bolo, mɔgɔ 400 (kɛmɛ naani), minnu dusu tun kasilen bɛ masakɛ Saul ka mara kɔrɔ, olu taara fara Dawuda kan kungokolon kɔnɔ. (1 Samuɛl 22:1, 2) A bɛ se ka kɛ ko Dawuda tun bɛ ka miiri o mɔgɔw ko la tuma min na a tun bɛ ka nin Zaburu sɛbɛn.—Zaburu 34:1.
I YƐRƐ ƝININKA, ‘Lajɛ nata la, ne bɛ se ka Jehova tanu cogo di ne ni dɔ ka baro kɔnɔna na?’
2. Ɲinini kɛ ka dɔnniya sɔrɔ Bibulu kɔnɔ
(miniti 10)
-
Zaburu 35:19—Dawuda y’a ɲini Jehova fɛ ko a kana sɔn ale koniyabaaw ka u “ɲɛ kɔmi” ale kama. O kɔrɔ ye mun ye? (w06-F 15/5 20 § 1)
-
E ye nafolomafɛn jumɛnw de sɔrɔ ka bɔ Ala ka Kuma kɔnɔ nin dɔgɔkun Bibulukalan in sen fɛ?
3. Bibulu kalanjɛ
(miniti 4) Zaburu 34:2-23 (th kalansen 5)
4. Baro daminɛ mɔgɔw fɛ
(miniti 2) SENFƐ SEEREYA. Baro bɛ jɔ k’a sɔrɔ i ma se ka seereya di. (lmd kalansen 1 tomi 4)
5. Segin-ka-bɔnyew kɛ
(miniti 4) SENFƐ SEEREYA. (lmd kalansen 2 tomi 4)
6. I ka dannayakow ɲɛfɔ
(miniti 5) Ɲɛjirali. ijwfq-F 59—Barokun: Jehova Seerew bɛ mun de kɛ walisa k’a dɔn sɔn bɛ kɛ seli min na ani sɔn tɛ kɛ seli min na? (th kalansen 17)
Dɔnkili 59
7. Jehova bɛ tanu cogoya saba minnu fɛ lajɛw la
(miniti 15) Baro.
Lajɛw bɛ cogoya ɲumanbaw di an ma ka Jehova tanu. O cogo saba filɛ.
Barow: Kuma Jehova ka ɲumanya kan i ni tɔw ka barow kɔnɔ. (Zaburu 145:1, 7) Hakilina jɔnjɔn dɔ min bɛ i nafa, yala i ye o ko mɛn walima ka o ko kalan wa? Yala i ye ko duman dɔ sɔrɔ waajulibaara la wa? Yala mɔgɔ dɔw ka kumaw walima u ka kɛwalew ye dusu don i kɔnɔ wa? Yala i ye fɛn dɔ kɔlɔsi min ye i kabakoya fɛn danenw na wa? O fɛnw bɛɛ ye nilifɛnw de ye ka bɔ Jehova yɔrɔ. (Yakuba 1:17) Kɔn ka na miniti damadɔw sani lajɛ ka daminɛ, o la, i bɛ se ka waati sɔrɔ ka baro kɛ ni tɔw ye.
Jaabiw: Hali n’a kɛra jaabi kelen ye, i k’i jija ka o di lajɛw bɛɛ la. (Zaburu 26:12) Ɲininkali jaabi ye min ye tigitigi, i bɛ se ka o di, walima i bɛ se ka jaabi dɔ di hakilina farankan dɔ, tɛmɛsira dɔ, ja, walima kalan waleyacogo kan. Ikomi a bɛ se ka kɛ ko i ni mɔgɔ wɛrɛw bɛ aw bolow wuli waati kelen na, o la jaabi caman labɛn. Mɔgɔ caman bɛna se ka u ka “tanuli sarakaw bɔ Ala ye” ni an bɛ an ka jaabiw di sekɔndi 30 kɔnɔ walima ni u tɛ o bɔ yɛrɛ.—Heburuw 13:15.
Dɔnkiliw: Masaya dɔnkiliw da ni nisɔndiya ye. (Zaburu 147:1) A bɛ se ka kɛ ko i tɛna se ka jaabi di lajɛw bɛɛ la, kɛrɛnkɛrɛnnenya la ni i bɛ jɛkuluba dɔ kɔnɔ, nka i bɛ se ka dɔnkiliw da tuma bɛɛ mɔgɔ tɔw nɔfɛ. Hali ni i b’a miiri ko i tɛ se dɔnkilida la kosɛbɛ, ni i bɛ i seko kɛ, o bɛ Jehova nisɔndiya kosɛbɛ! (2 Kɔrɛntekaw 8:12) I bɛ se k’i labɛn dɔnkilida kama i kɛtɔ k’i dege dɔnkiliw la so kɔnɔ.
Nin WIDEYO jira: Ɲɛfɔli an ka tariku ko la—Dɔnkiliw ye nilifɛnw ye, yɔrɔ 1. O kɔ, nin ɲininkali kɛ mɔgɔw la:
An ka jɛkuluba ka kow daminɛ waati la, an y’a jira cogo di ko nafa b’a la ka Jehova tanu ni dɔnkiliw ye?
8. Jɛkulu ka Bibulukalan
(miniti 30) bt-F tilayɔrɔba 4 § 9-12, ɲɛ 34 yɔrɔ koorilen
