• Zaburu 17:8—Bibulu kɔnɔ, n’a fɔra ko “i yɛrɛ ɲɛkisɛ”, o kɔrɔ ye mun ye? (it-2-F 697)

  I ka jaabi

• E ye nafolomafɛn jumɛnw de sɔrɔ ka bɔ Ala ka Kuma kɔnɔ nin dɔgɔkun Bibulukalan in sen fɛ?

  I ka jaabi

Ikomi an b’a fɛ ka Yesu ka cikan labato, an bɛna an hakili jigin Yesu ka saya la. O saya sababu fɛ Jehova ni Yesu ye u ka kanuya jira an na, mɔgɔ wɛrɛ si man deli ka o kanuya sugu jira tariku kɔnɔ. (Luka 22:19; Yuhana 3:16; 15:13) An bɛ se ka an labɛn cogo di o ko kɛrɛnkɛrɛnnen kama?

• I seko bɛɛ kɛ mɔgɔw weleli la ka na jɛmukan kɛrɛnkɛrɛnnen ani Hakilijigin la. I b’a fɛ ka mɔgɔ minnu wele ka na Hakilijigin la, i ka olu tɔgɔw sɛbɛn yɔrɔ dɔ la ani ka u wele. Ni u dɔw tɛ aw ka waajulikɛyɔrɔ la, taa jw.org kan walisa ka o yɔrɔ mɔgɔw ka Hakilijigin kɛwaati ni a kɛyɔrɔ sɔrɔ

• Dɔ fara i ka waajulibaara kan Marisikalo ani Awirilikalo la. Yala i bɛ se ka kɛ tutigɛbaga farankan ye ka lɛrɛ 15 walima 30 kɛ wa?

• Koba minnu kɛra Yesu ka ɲɛnamaya kɔnɔ a ka dɔgɔkun laban na ka a to dugukolo kan, o fɛnw kalanni bɛna daminɛ Marisikalo tile 18 don. I bɛ se k’a latigɛ i bɛna o ko hakɛ minnu kalan don o don “San 2024 Hakilijigin Bibulu kalanjɛ porogaramu” kɔnɔ. O bɛ sɔrɔ nin sɛbɛn in ɲɛ 6-7 kan

• Hakilijigin don, i ka o sɔgɔmada fɛ kalan kɛrɛnkɛrɛnnen lajɛ jw.org kan

• Mɔgɔ kuraw ani mɔgɔ minnu ye waajulibaara jɔ, i ka olu kunbɛn ka ɲɛ Hakilijigin la. I yɛrɛ labila walisa ka mɔgɔw ka ɲininkaliw jaabi Hakilijigin tɛmɛnnen kɔ. I ka kow boloda walisa i ka se ka taa bɔ mɔgɔw ye minnu nana Hakilijigin la walisa ka u dɛmɛ ka fɛn caman wɛrɛw dɔn

• An ka an hakili jagabɔ kunmabɔ sara kan sani Hakilijigin ka se, wa an ka o kɛ fana a tɛmɛnnen kɔ

Nin WIDEYO jira: Aw ye aw hakili jigin Yesu ka saya la. O kɔ, nin ɲininkali kɛ mɔgɔw la:

An bɛ se ka baara kɛ ni nin wideyo ye cogo di ka an to mɔgɔw weleli la ka na Hakilijigin la?