Nowanburukalo tile 4-10
ZABURU 105
Dɔnkili 3 ani delili | Ɲɛbilakumaw (miniti 1)
1. “A hakili bɛ a ka layidu la badaa”
(miniti 10)
Jehova ye layidu ta Ibrahima ye, a seginna ka o layidu ko fɔ Isaka ni Yakuba ye (Jenɛse 15:18; 26:3; 28:13; Zaburu 105:8-11)
A tun bɛ iko o kiraya kuma in tun tɛna se ka dafa (Zaburu 105:12, 13; w23.04-F 28 § 11-12)
Jehova ye layidu min ta Ibrahima ye, a ma ɲinɛ o kɔ abada (Zaburu 105:42-44; it-2-F 493 § 3)
I YƐRƐ ƝININKA: ‘K’a dɔn ko ne bɛ se ka n’jigi bɛɛ da Jehova kan, o bɛ se ka ne dɛmɛ cogo di?’
2. Ɲinini kɛ ka dɔnniya sɔrɔ Bibulu kɔnɔ
(miniti 10)
-
Zaburu 105:17-19—“Matigi [Jehova] ka kuma” ye Yusufu dɛmɛ cogo di a k’a ka jogo ɲumanw ɲɛ ka ta’a fɛ? (w86-F 1/11 19 § 15)
-
E ye nafolomafɛn jumɛnw de sɔrɔ ka bɔ Ala ka Kuma kɔnɔ nin dɔgɔkun Bibulukalan in sen fɛ?
3. Bibulu kalanjɛ
(miniti 4) Zaburu 105:24-45 (th kalansen 5)
4. Baro daminɛ mɔgɔw fɛ
(miniti 1) DU NI DU. I ka barokɛɲɔgɔn bolo degunnen don. (lmd kalansen 2 tomi 5)
5. Baro daminɛ mɔgɔw fɛ
(miniti 2) DU NI DU. Ni i y’a ye k’a tigi b’a fɛ ka sɔsɔli de kɛ, i ka baro jɔ cogo ɲuman na. (lmd kalansen 4 tomi 5)
6. Segin-ka-bɔnyew kɛ
(miniti 4) DU NI DU. I barokɛɲɔgɔn tun kumana fɛn dɔ kan min ka di a ye, sɔn-ni-sɔn gafenin dɔ jira a la min bɛ kuma o fɛn kan. (lmd kalansen 8 tomi 3)
7. Segin-ka-bɔnyew kɛ
(miniti 4) SENFƐ SEEREYA. JW Library® application kofɔ mɔgɔ dɔ ye ani a tigi dɛmɛ a kʼa ta a ka masinimafɛn kan. (lmd kalansen 9 tomi 5)
Dɔnkili 84
8. A’ye aw ka kanuya jira Jehova Denkɛ la
(miniti 15) Baro.
Ni an bɛ baara kɛ ni an ka waati, an fanga ani an bolofɛnw ye walisa ka Masaya baaraw kɔkɔrɔdon, an b’a jira o fɛ ko an bɛ an ka masakɛ kanu, o min ye Yesu Krisita ye. Ni an bɛ an ka kanuya jira Yesu Krisita la o cogoyaw la, o ka di Jehova ye, wa o bɛ an balimaw nafa. (Yuhana 14:23) Yɔrɔ dɔ bɛ jw.org siti kan min tɔgɔ ye ko: “Baara bɛ kɛ ni aw ka bolomafaraw ye cogo min na.” Barokun caman bɛ o yɔrɔ la. O barokunw b’a jira an na an ka bolomafaraw bɛ ka an balimaw dɛmɛ kosɛbɛ cogo min na diɲɛ fan bɛɛ.
Nin WIDEYO jira: Aw ka bolomafaraw bɛ se ka min kɛ. O kɔ, ɲininkali ninnu kɛ mɔgɔw la:
-
Baara kɛra ni bolomafaraw ye walisa ka an ka diinɛ ka yɛrɛmahɔrɔnya lafasa sariya sira la. O ye an balimaw nafa cogo di?
-
Bolomafaraw tilali ka u dama kɛɲɛ, o ye dɛmɛ don cogo di Masaya Sow jɔli la?—2 Kɔrɛntekaw 8:14
-
Baara kɛra ni bolomafaraw ye walisa ka dɛmɛ don Bibulu bayɛlɛmali la kan caman na. Nafa jumɛnw sɔrɔla o la?
