• Zaburu 108:9 [108:​10, BS 1996]—Mun na Moab sangara ni Ala ka “koli minɛnba” ye? (it-2-F 303 § 5)

  I ka jaabi

• E ye nafolomafɛn jumɛnw de sɔrɔ ka bɔ Ala ka Kuma kɔnɔ nin dɔgɔkun Bibulukalan in sen fɛ?

  I ka jaabi

Israɛldenw tun sirannenba don, nka Jehova ye u tila ka bɔ Misirakaw ka kɛlɛbolo barikama bolo kɔgɔji bilen da la. O kɛlen kɔ, Israɛldenw ye Jehova waleɲumandɔn ani ka dɔnkili da a ye a ka ko kɛlenw kosɔn u ye. (Ekisode 15:​1-19) Cɛw fɔlɔ de ye o dɔnkili kura dali daminɛ. (Ekisode 15:21) Yesu ni krecɛn fɔlɔw fana ye tanuli dɔnkiliw da Jehova ye. (Matiyu 26:30; Kolosekaw 3:16) An bɛ ta’a fɛ ka an ka waleɲumandɔn jira ka ɲɛsin Jehova ma an kɛtɔ ka to ka dɔnkiliw da jɛkulu ka lajɛw la, tile kelen lajɛbaw la, ani tile saba lajɛbaw la. Misali la, an bɔra ka dɔnkili min da sisan, ni o barokun ye ko: “Merci, Jéhovah” (I ni ce, Jehova), o dɔnkili bɛ to ka da an ka lajɛw la kabini san 1966.

A bɛ se ka kɛ ko, yɔrɔ dɔw la, cɛw bɛ maloya ka dɔnkili da jama cɛma. Mɔgɔ wɛrɛw tɛ sɔn ka dɔnkili da bawo u b’a miiri ko u kan man di. O bɛɛ n’a ta, an ka kan k’a to an hakili la ko dɔnkiliw dali an ka lajɛw la, o ye an ka bato fan dɔ ye. Jehova ka jɛkuluba bɛ baaraba de kɛ walisa ka dɔnkili dumanbaw dilan. A ka jɛkuluba bɛ dɔnkili bɛnnenw sugandi lajɛw kelen-kelen bɛɛ kama. Min ɲininen bɛ anw fɛ, o ye ko an ka jɛ ka dɔnkiliw da ɲɔgɔn fɛ walisa ka an ka kanuya ni an ka waleɲumandɔn jira an sankolola Fa Jehova la.

Nin WIDEYO jira: Ɲɛfɔli an ka tariku ko la—Dɔnkiliw ye nilifɛnw ye, yɔrɔ 2 nan. O kɔ, ɲininkali ninnu kɛ mɔgɔw la:

• Ko kɛrɛnkɛrɛnnen jumɛn de kɛra san 1944?

  I ka jaabi

• An balima minnu bɛ Siberi, olu y’a jira cogo di ko Masaya dɔnkiliw dali ka di u ye?

  I ka jaabi

• Mun na dɔnkilida nafa ka bon kosɛbɛ Jehova Seerew bolo?

  I ka jaabi