• Zaburu 92:5 [92:​6, BS 1996]—Nin tɛmɛsira kumaw bɛ Jehova ka hakilitigiya jira k’a jɛya cogo di? (cl-F 211 § 18)

  I ka jaabi

• E ye nafolomafɛn jumɛnw de sɔrɔ ka bɔ Ala ka Kuma kɔnɔ nin dɔgɔkun Bibulukalan in sen fɛ?

  I ka jaabi

Hali ni an bɛ ka Jehova bato, o tɛ an bali ka jɔrɔ ko dɔw kama. Misali la, Dawuda jɔrɔla siɲɛ caman a ka ɲɛnamaya kɔnɔna na. O ɲɔgɔn bɛ an balima caman fana sɔrɔ bi. (Zaburu 13:2 [13:​3, BS 1996]; 139:23) A fɔ man di, nka hali funankɛninw fana bɛ jɔrɔ ko dɔw kama. Tuma dɔw la, ni mɔgɔ jɔrɔlen don, o bɛ se ka ko dɔw kɛli gɛlɛya kosɛbɛ a tigi bolo, a bɛ deli ka minnu kɛ, i n’a fɔ ka taa lakɔli la, walima ka taa lajɛw la. O bɛ se hali ka a tigi bila a ka hami fo k’a dama tɛmɛn fo k’a kɛ iko a man kɛnɛ. O bɛ se hali fana ka a tigi bila a ka miiri a yɛrɛ fagali la.

Funankɛw, ni aw bɛ ka jɔrɔ ko dɔw kama, a’ye o fɔ aw bangebagaw ye walima mɔgɔkɔrɔba wɛrɛ ye min bɛ se ka laadilikan ɲumanw di aw ma. A’ye dɛmɛ ɲini Jehova fana fɛ. (Filipekaw 4:6) A bɛna aw dɛmɛ. (Zaburu 94:​17-19; Esayi 41:10) An ka Steing ka misali lajɛ.

Nin WIDEYO jira: Jehova y’a janto ne la. O kɔ, ɲininkali ninnu kɛ mɔgɔw la:

• Bibulu tɛmɛsira jumɛn de ye Steing dɛmɛ ani mun na o y’a dɛmɛ?

• Jehova y’a janto a la cogo di?

Bangebagaw, ni ko dɔ bɛ ka aw denw jɔrɔ, aw bɛ se ka u dɛmɛ o ko kɔnɔna na ni aw bɛ muɲu u kɔrɔ ka u lamɛn ka ɲɛ, k’a jira u la ko aw bɛ u kanu ani ka u dɛmɛ u ka da a la ka ta’a fɛ ko Jehova bɛ u kanu. (Tite 2:4; Yakuba 1:19) Aw mago bɛ dɛmɛ ni fanga min na walisa ka aw denw kɔkɔrɔdon, a’ye aw jigi da Jehova kan walasa ka o sɔrɔ.

Ni mɔgɔ dɔ jɔrɔlenba don ko dɔ kama jɛkulu kɔnɔ, a bɛ se ka kɛ ko an tɛ bɔ o kala ma walima ko an tɛ o tigi kɔnɔkow faamu. O bɛɛ n’a ta, an bɛ se ka jɛkulu kɔnɔmɔgɔw bɛɛ dɛmɛ ni an b’a jira u la ko an bɛ u kanu ani ko u bɛɛ kelen-kelen ye jɛkulu mɔgɔ dɔ ye.—Ntalenw 12:25; Heburuw 10:24.