Sɛtanburukalo tile 16-22
ZABURUW 85-87
Dɔnkili 41 ani delili | Ɲɛbilakumaw (miniti 1)
1. Delili bɛ an dɛmɛ ka muɲuli kɛ
(miniti 10)
A ɲini Jehova fɛ a ka nisɔndiya di i ma (Zaburu 86:4)
A ɲini Jehova fɛ a ka i dɛmɛ i ka to kantigiya la (Zaburu 86:11, 12; w12-F 15/5 25 § 10)
Da a la ko Jehova bɛna i ka deliliw jaabi (Zaburu 86:6, 7; w23.05-F 13 § 17-18)
I YƐRƐ ƝININKA: ‘Yala ne bɛ delili kɛ siɲɛ caman ni gɛlɛyaw bɛ ne dala ani yala o deliliw bɛ janya wa?’—Zaburu 86:3.
2. Ɲinini kɛ ka dɔnniya sɔrɔ Bibulu kɔnɔ
(miniti 10)
Zaburu 86:11—Dawuda ka delili bɛ mun de jira an na mɔgɔ dusukun ko la? (it-1-F 492 § 2)
E ye nafolomafɛn jumɛnw de sɔrɔ ka bɔ Ala ka Kuma kɔnɔ nin dɔgɔkun Bibulukalan in sen fɛ?
3. Bibulu kalanjɛ
(miniti 4) Zaburu 86:1–87:7 (th kalansen 12)
4. Baro daminɛ mɔgɔw fɛ
(miniti 3) SENFƐ SEEREYA. Bibulukalan kofɔ a tigi ye. (lmd kalansen 3 tomi 5)
5. Segin-ka-bɔnyew kɛ
(miniti 4) SENFƐ SEEREYA. Bibulukalan kofɔ mɔgɔ dɔ ye min tun y’a fɔ i ye ko a jɔrɔlen don ko dɔ la min bɛ ka kɛ sisan. (lmd kalansen 7 tomi 4)
6. Mɔgɔw kɛ kalandenw ye
(miniti 5) lff kalansen 15 tomi 5. I ye fɛɛrɛ minnu sigi sen kan walisa i ka Bibulukalanden ka kalan ka se ka kɛ dɔgɔkun wɛrɛ k’a sɔrɔ e tɛ yen, a’ye baro kɛ o kan. (lmd kalansen 10 tomi 4)
Dɔnkili 83
7. An kana sɛgɛn
(miniti 5) Baro.
O WIDEYO jira. O kɔ, ɲininkali ninnu kɛ mɔgɔw la:
Mun na tuma dɔw la a bɛ kɛ iko an bɛ sɛgɛn fo an b’a fɛ ka waajulibaara kɛli dabila?
Mun na an man kan k’a to sɛgɛn ka an bila an ka waajulibaara kɛli dabila?
8. Taʼa fɛ ka Bibulukalan kofɔ mɔgɔw ye!
(miniti 10) Baro.
Kanpaɲi kɛrɛnkɛrɛnnen min bɛ ka kɛ nin kalo in na, yala o kɔnɔna na i ye Bibulukalan daminɛ mɔgɔ dɔ fɛ ni Ɲɛnamaya kɛ nisɔndiya la fo badaa! gafenin ye wa? N’a y’a sɔrɔ i sera ka o kɛ, siga t’a la ko i nisɔndiyalenba don! I ye o Bibulukalanden min sɔrɔ, tɔw fana nisɔndiyalen bɛ sɔrɔ o ko la. Nka n’a y’a sɔrɔ i ma Bibulukalanden dɔ sɔrɔ fɔlɔ, laala i bɛ ka i yɛrɛ ɲininka n’a y’a sɔrɔ kun b’a la i ka ta’a fɛ ka cɛsiriw kɛ. I bɛ se ka mun de kɛ n’a y’a sɔrɔ i fari fagalen don k’a masɔrɔ i ma se ka Bibulukalanden dɔ sɔrɔ fɔlɔ?
Nin WIDEYO jira: “An b’an yɛrɛw jira ko an ye Ala ka baarakɛla ɲumanw ye . . . ni sabali ye”—Ni an bɛ ka waajuli kɛ. O kɔ, ɲininkali ninnu kɛ mɔgɔw la:
2 Kɔrɛntekaw 6:4, 6 bɛ se ka an dɛmɛ cogo di n’a bɛ an ɲɛ na ko an bɛ ka waajuli kɛ fu la?
I bɛ se ka yɛlɛma jumɛnw de kɛ ni i b’a miiri ko i bɛ ka waajuli kɛ fu la bawo i tɛ ka se ka Bibulukalanden dɔ sɔrɔ?
An k’a to an hakili la ko, Bibulukalanden hakɛ min bɛ an bolo, an ka nisɔndiya tɛ bɔ o la. Nka an bɛ ka cɛsiri minnu kɛ, k’a dɔn ko olu ka di Jehova ye, an ka nisɔndiya bɛ bɔ o de la. (Luka 10:17-20) O la, an ka ta’a fɛ ka an sen don nin kanpaɲi kɛrɛnkɛrɛnnen in na ni an seko bɛɛ ye ani k’a to an hakili la ko an ‘ka baara tɛna kɛ fu ye Matigi la’!—1 Kɔrɛntekaw 15:58.
9. Jɛkulu ka Bibulukalan
(miniti 30) bt-F tilayɔrɔba 10 § 13-21
