• Ntalenw 11:17—Ka ɲumanya jira tɔw la, o bɛ an nafa cogo di? (g20.1-F 11, [Encadré, page 11]

  I ka jaabi

• E ye nafolomafɛn jumɛnw de sɔrɔ ka bɔ Ala ka Kuma kɔnɔ nin dɔgɔkun Bibulukalan in sen fɛ?

  I ka jaabi

Ikomi an ye mɔgɔ dafabaliw ye, tuma dɔw la an tɛ kuma ɲumanw fɔ. (Yakuba 3:8) Nka kɔlɔlɔ minnu bɛ kuma juguw fɔli la, ni an miirila o la, o bɛna an dɛmɛ an kana kumaw fɔ an bɛna nimisa minnu na kɔfɛ. Kuma sugu minnu bɛ se ka na ni fara farali ye jɛkulu kɔnɔ, o misali dɔw filɛ nin ye:

• Waso. Ni mɔgɔ bɛ a yɛrɛfɔ, o de ye waso ye. O bɛ se ka na ni ɲɔgɔn dan hakilina ye jɛkulu kɔnɔ ani ka keleya jugu don an ni ɲɔgɔn cɛ.—Ntalenw 27:2

• Kuma minnu fɔli bɛ tɔw lafili. O kumaw tɛ dan nkalontigɛ dɔrɔn ma nka a tigi bɛ a dabɔ a kama ka nkalon tigɛ walisa ka tɔw lafili. Dannaya min bɛ tɔw la ka ɲɛsin an ma, ni an ye hali nkalon fitinin dɔrɔn tigɛ, o dannaya bɛ se ka tiɲɛ ani ka an tɔgɔ fana tiɲɛ.—Waajulikɛla 10:1

• Ka mɔgɔw kɔrɔfɔ. O ye ka kuma juguw fɔ mɔgɔw kan ani ka kumaw fɔ minnu tɛ tiɲɛ ye mɔgɔw kan walima ka u ka gundow lakali mɔgɔ wɛrɛw ye. (1 Timote 5:13) O bɛ se ka na ni bɛnbaliya ni fara farali ye jɛkulu kɔnɔ

• Kuma minnu bɛ mɔgɔ dusu bɔ. O ye kumaw de ye mɔgɔ dɔ diminnen bɛ minnu fɔ mɔgɔ wɛrɛ ma min y’a jigilatigɛ. (Efesekaw 4:26) O kuma suguw bɛ se ka digi mɔgɔ la kosɛbɛ.—Ntalenw 29:22

Nin wideyo jira: Fɛn minnu bɛ hɛrɛ tiɲɛ, an ka olu “dabila”—o yɔrɔ dɔ. O kɔ, nin ɲininkali kɛ mɔgɔw la:

• An ka kumafɔtaw bɛ se ka na ni bɛnbaliya ye jɛkulu kɔnɔ yɔrɔnin kelen. Aw ye kalansira jumɛn de bɔ o la?

  I ka jaabi

Walasa k’a dɔn an bɛ se ka bɛn lasegin an ni ɲɔgɔn cɛ cogo min na, An ka “hɛrɛ ɲini ka tugu a nɔfɛ”, o wideyo lajɛ.