Feburuyekalo tile 24–Marisikalo tile 2
NTALENW 2
Dɔnkili 35 ani delili | Ɲɛbilakumaw (miniti 1)
1. Mun na a nafa ka bon i ka i sɛbɛ don i ka yɛrɛkalan na?
(miniti 10)
I b’a jira o cogo la ko tiɲɛ nafa ka bon i bolo. (Ntalenw 2:3, 4; w22.08-F 18 § 16)
O bɛna i dɛmɛ ka latigɛli ɲumanw kɛ. (Ntalenw 2:5-7; w22.10-F 19 § 3-4)
O bɛna i dɛmɛ i ka dannaya kolo ka gɛlɛya. (Ntalenw 2:11, 12; w16.09-F 23 § 2-3)
I YƐRƐ ƝININKA: ‘Ne bɛ se ka n’ka yɛrɛkalan fisaya ka ta’a fɛ cogo di?’
2. Ɲinini kɛ ka dɔnniya sɔrɔ Bibulu kɔnɔ
(miniti 10)
-
Ntalenw 2:7—“Mɔgɔ minnu bɛ jɛlenya sira taama”, cogo jumɛn na Jehova ye olu ka “nɛgɛbɛnnan” ye? (it-1-F 1195 § 4)
-
E ye nafolomafɛn jumɛnw de sɔrɔ ka bɔ Ala ka Kuma kɔnɔ nin dɔgɔkun Bibulukalan in sen fɛ?
3. Bibulu kalanjɛ
(miniti 4) Ntalenw 2:1-22 (th kalansen 12)
4. Baro daminɛ mɔgɔw fɛ
(miniti 4) DU NI DU. Laadilikan minnu bɛ se ka furuɲɔgɔnmaw dɛmɛ, a jira i barokɛɲɔgɔn na a bɛ se ka o laadilikanw sɔrɔ cogo min na jw.org siti kan. (lmd kalansen 1 tomi 3)
5. Segin-ka-bɔnyew kɛ
(miniti 3) SENFƐ SEEREYA. Sɛbɛn dɔ di i barokɛɲɔgɔn ma barokun dɔ kan min diyara a ye kosɛbɛ aw ka baro tɛmɛnnen sen fɛ. (lmd kalansen 9 tomi 3)
6. Jɛmu
(miniti 5) lmd Ɲɛfɔli farankanw 1 tomi 8—Barokun: Furucɛ ni a muso ka kan ka tilen ɲɔgɔn ye. (th kalansen 13)
Dɔnkili 96
7. Yala a ka di aw ye ka fɛn nafamaw ɲini wa?
(miniti 15) Baro.
Funankɛninw, yala a ka di aw ye ka fɛn nafamaw ɲini wa? N’a y’a sɔrɔ o ka di aw ye, Bibulu b’a ɲini aw fɛ aw ka fɛn dɔ ɲini min nafa ka bon ka tɛmɛn fɛn tɔw bɛɛ kan: o ye k’a ɲini ka dɔnniya sɔrɔ Ala kan! (Ntalenw 2:4, 5) Aw bɛ se ka o dɔnniya sugu sɔrɔ ni aw bɛ waati ta ka Bibulu kalan don o don ani aw bɛ fɛn minnu kalan, ka ɲininiw kɛ olu kan. Aw bɛ se ka nisɔndiya sɔrɔ o kɛli la wa o bɛna aw nafa kosɛbɛ!
-
I bɛ se ka ɲininkali jumɛnw de kɛ i yɛrɛ la i ka Bibulu kalan sen fɛ? (w24.02-F 32 § 2-3)
-
I bɛ se ka o ɲininkaliw jaabi sɔrɔ min?
I bɛ fɛn minnu kalan Bibulu kɔnɔ, i bɛ se ka i hakili jakabɔ o fɛnw kan cogo min na, wideyo minnu tɔgɔ ye ko Apprends avec les amis de Jéhovah (Kalan sɔrɔ ka bɔ Jehova teriw fɛ), o wideyow bɛ se ka i dɛmɛ o la.
Nin wideyo jira: Kalan sɔrɔ ka bɔ Jehova teriw fɛ—Abɛl
Jenɛse 4:2-4 ani Heburuw 11:4 kalan. O kɔ, ɲininkali ninnu kɛ mɔgɔw la:
-
Abɛl y’a jira cogo di ko a tun ye Jehova teri ye?
-
Abɛl ye a ka dannaya kologɛlɛya cogo di ka ɲɛsin Jehova ma?
-
I bɛ se ka i ka dannaya kologɛlɛya cogo di?
8. Jɛkulu ka Bibulukalan
(miniti 30) bt-F tilayɔrɔba 18 § 1-5 ɲɛ 142, 144 yɔrɔ koorilenw.
