Hɛrɛ tɛ denbaya minnu kɔnɔ, kuma bɛ kɛ tuma caman olu ka gɛlɛyaw kan. Nka hɛrɛ bɛ denbaya minnu kɔnɔ, olu ka gundo ye mun ye?

• San 1990 ni san 2015 ni ɲɔgɔn cɛ, furusa barika bonyana kosɛbɛ États-Unis, mɔgɔw ni ɲɔgɔn cɛ minnu si bɛ san 50 la, wa minnu si bɛ san 65 la olu ka furusa de cayara kosɛbɛ.

• Bangebaaw t’a dɔn bilen u ka kan ka min kɛ: A ko dɔnbaa ŋana dɔw b’a fɔ ko bangebaaw ka kan ka denmisɛnninw tanu tuma bɛɛ, nka dɔ wɛrɛw fana b’a fɔ ko hali ni kanuya ka kan ka jira denmisɛnninw la, bangebaaw ka kan ka u kolo ka ɲɛ fana.

• Funankɛninw bɛ balikuya k’a sɔrɔ u ma jogow sɔrɔ fɔlɔ u mago bɛ minnu na walasa ka kɛ mɔgɔ ɲɛnamaw ye.

Nka furuɲɔgɔnma dɔw ka furu b’a jira ko . . .

• Hɛrɛ bɛ se ka kɛ furu kɔnɔ ani ka kɛ fɛn ye min bɛ se ka mɛn kosɛbɛ.

• Bangebaaw bɛ se ka u dege u denw kololi la ni kanuya ye.

• Funankɛninw bɛ se ka jogow sɔrɔ u mago bɛ kɛ minnu na ni u kɛra balikuw ye.

Cogo di? Nin A’ ye kunun! gafenin bɛna baro kɛ gundo 12 kan minnu bɛ se ka hɛrɛ lase denbaya ma.