Tɔgɔ joli de bɛ Ala la?

A BILA A LA

Bibulu bɛ jaabi min di

Halala tɔgɔ kelenpe dɔrɔn de bɛ Ala la. Heburukan na, a bɛ sɛbɛn nin cogo de la יהוה, wa bamanankan na, a bɛ fɔ ko “Jehova”. * Ala y’a fɔ a ka kira Esayi sababu la ko: “Ne ye Jehova de ye, o ye ne tɔgɔ ye.” (Esayi 42:8, Bible Senuma, 1961) O tɔgɔ in sɛbɛnnen bɛ Bibulu sɛbɛn kɔrɔw kɔnɔ fo siɲɛ 7000 ɲɔgɔn—wa o tɔgɔ in de bɛ fɔ ka caya ka tɛmɛn Ala bonyali tɔgɔw bɛɛ kan ani tɔgɔ wɛrɛw kan minnu bɛ sɔrɔ Bibulu kɔnɔ. *

Yala tɔgɔ wɛrɛw bɛ Jehova la wa?

Ala halala tɔgɔ kelenpe de bɛ Bibulu kɔnɔ, nka a bonyali tɔgɔw caman fana bɛ sɔrɔ a kɔnɔ. Jehova bonyali tɔgɔ dɔw filɛ nin ye ani u bɛɛ kelen-kelen bɛ min jira an na a ko la ani a jogow kan, olu fana filɛ nin ye duguma.

Bonyali tɔgɔ	A bɛ sɔrɔ Bibulu yɔrɔ minnu na	A kɔrɔ ye min ye
Sebaayabɛɛtigi	Jenɛse 17:1	Se min bɛ a ye, dan tɛ o la. “Ala Sebaayabɛɛtigi” o min kɔrɔ ye ʼÉl Shadday ye Heburukan na, o bɛ sɔrɔ siɲɛ 7 Bibubu kɔnɔ.
Alifa ni Omega	Jirali 1:8; 21:6; 22:13	“Fɔlɔ ani laban” walima “fɛn bɛɛ daminɛ ani fɛn bɛɛ laban”, o kɔrɔ ye ko Ala wɛrɛ fosi tun tɛ yen Jehova ɲɛ, min ye Sebaayabɛɛtigi ye, wa Ala wɛrɛ fosi tɛna kɛ yen ale kɔ, min ye Sebaayabɛɛtigi ye. (Esayi 43:10) Alifa ni Omega ye Grɛki siginidenw ye, Alifa kɔrɔ ye fɔlɔ ye, Omega kɔrɔ ye laban ye.
Min tun bɛ yen kabini fɔlɔfɔlɔ	Daniɛl 7:9, 13, 22	Daminɛ tɛ a la. A tun bɛ yen kabini badaa wa fɛn fosi tun tɛ yen ale ɲɛ.—Zaburu 90:2.
Dabaga	Esayi 40:28	Ale de ye fɛn bɛɛ da.
Fa	Matiyu 6:9	Ɲɛnamaya Dibaga.
Ala	Jenɛse 1:1	Batofɛn, seba bɛ min ye. ʼÈlohim ye Heburukan daɲɛ dɔ ye min bɛ Jehova ka bonya ni a ka nɔɔrɔ jira.
Alaw ka ala	Dutɛrɔnɔmɛ 10:17	Ala min bɛ bɛɛ san fɛ, min ni “boliw” tɛ kelen ye dɔw bɛ minnu bato.—Esayi 2:8.
Karamɔgɔ	Esayi 30:20, 21	A bɛ an ɲɛminɛ ani ka an kalan cogo la min bɛ an nafa.—Esayi 48:17, 18.
Fɛn bɛɛ Dabaga	Zaburu 149:2	Ale de ye fɛn bɛɛ da.—Jirali 4:11.
Dubatigi walima Ala min nisɔndiyalen don	1 Timote 1:11	A nisɔn ka di wa a bɛ hɛrɛ la.—Zaburu 104:31.
Min bɛ delili lamɛn	Zaburu 65:3	An bɛ delili minnu lase a ma ni dannaya ye, a bɛ olu bɛɛ kelen-kelen lamɛn.
Min bɛ, ne don	Ekisode 3:14	A ka kan ka kɛ fɛn o fɛn min ye walasa ka a ka layiduw dafa, a bɛ kɛ o ye. Dɔw fana ye a sɛbɛn nin cogo la: “A ka di ne ye ka kɛ min ye, ne bɛ kɛ o ye” walima “Ne mana a sugandi ka kɛ min ye, ne bɛ kɛ o ye.” (The Emphasised Bible, by J. B. Rotherham; New World Translation) Nin ɲɛfɔli bɛ an dɛmɛ ka Ala tɔgɔ kɔrɔ faamu min bɛ tɛmɛsira nata kɔnɔ ni o ye Jehova ye.—Ekisode 3:15, Bible Senuma, 1961.
Keleya	Ekisode 34:14	A t’a fɛ an ka fɛn wɛrɛ si bato. Dɔw fana ye nin tɛmɛsira sɛbɛn nin cogo la “a t’a fɛ ka batofɛn si wɛrɛ ye” ani “a b’a waajibiya an kan an ka siri ale kelen dɔrɔn na.”—God’s Word Bible; New World Translation.
Badaa Masakɛ	1 Timote 1:17	Daminɛ tɛ a ka masaya la, laban fana tɛ a la.
Matigi	Zaburu 135:5	An tigi walima kuntigi. Heburukan na, a bɛ bɛn ʼAdhôn ani ʼAdhonim de ma.
Kɛlɛbolow Matigi	Esayi 1:9	Mɛlɛkɛw ka kɛlɛbolo kuntigi.
Kɔrɔtalenba	Zaburu 47:3	Ale de bɛ fɛn bɛɛ sanfɛ.
Ala Senuma	Ntalenw 9:10	Fɛn fosi tɛ yen min ka senu ka tɛmɛn ale kan (jɛya ani jogo ta fan fɛ).
Daga dilala	Jeremi 18:6	A ka fanga bɛ boli fɛn bɛɛ kan i n’a fɔ daga dilala sago bɛ a ka daga la cogo min na.—Romɛkaw 9:20, 21.
Kunmabɔbaa	Esayi 41:14	A bɛ hadamadenw kunmabɔ ka bɔ jurumu ni saya la Yesu Krisita ka saraka sababu fɛ.—Yuhana 3:16.
Farakurun	Zaburuw 18:3, 47	An dogoyɔrɔ ɲuman ani an kisibaa.
Kisibaa	Esayi 45:21	A bɛ an bɔ faratikow ni halakili la.
Bagangɛnna	Zaburu 23:1	A bɛ a janto a batobagaw la.
Matigi Ala	Jenɛse 15:2	Fanga fosi tɛ ale ta san fɛ. Heburukan na, a bɛ fɔ ko ʼAdhonay.
Min kelenpe ye Kɔrɔtalenba ye	Daniɛl 7:18, 27	Matigiw bɛɛ la kɔrɔtalenba.

Yɔrɔw tɔgɔ, layidu kɔrɔ kɔnɔ

Yɔrɔ dɔw kofɔlen bɛ Bibulu kɔnɔ Ala tɔgɔ bɛ minnu na nka olu tɛ Ala tɔgɔ yɛrɛyɛrɛ ye.

Yɔrɔ tɔgɔ	A bɛ sɔrɔ Bibulu yɔrɔ minnu na	A kɔrɔ ye min ye
Jehova-jire	Jenɛse 22:13, 14, Bible Senuma, 1961	“Jehova bɛna an magoɲɛfɛnw di an ma.”
[Jéhovah-Nissi, MN]	Ekisode 17:15	‘Jehova ye ne ka drapo walima ne ka tamashyɛn ye.’ Jehova ye Ala ye a batobagaw bɛ se ka u jigi da min kan walasa ka dɛmɛ ni lakana sɔrɔ.— Ekisode 17:13-16, Bible Senuma, 1961
[Jéhovah-Shalom, MN]	Kiritigɛlaw 6:23, 24	‘Jehova ye hɛrɛ ye.’
*[Jéhovah-shamma, MN avec notes et références, note]*	Ezekiɛl 48:35	‘Jehova bɛ yen.’

Kun minnu kosɔn Ala tɔgɔ dɔnni ni a fɔli nafa ka bon

Ala bɛ nafaba don a tɔgɔ Jehova la bawo a y’a to a ka sɛbɛn Bibulu kɔnɔ siɲɛ ba caman.—Malaki 1:11, Bible Senuma, 1961.
Yesu, o min ye Ala Denkɛ ye, o ye Ala tɔgɔ nafa jira siɲɛ caman. Misali la, a ye Jehova deli tan cogo la ko: “I tɔgɔ ka saniya.”—Matiyu 6:9; Yuhana 17:6.
Ni an b’a fɛ Jehova ka kɛ an teri ye, a fɛn fɔlɔ ye k’a tɔgɔ dɔn ani k’a fɔ. (Zaburu 9:11; Malaki 3:16, Bible Senuma, 1961.) O teriya bɛ se k’a to an ka Ala ka nin layidu nafaw sɔrɔ: “A bɛ ne kanu kosɛbɛ, o de y’a to ne na a kisi, ne na a mara, katuguni a ye ne tɔgɔ dɔn.”—Zaburu 91:14, Bible Senuma, 1961.
Bibulu b’a fɔ ko: “Sankolola fɛn dɔw wala dugukolo kan fɛn dɔw bɛ wele batofɛnw, k’a masɔrɔ ‘batofɛn’ caman ni ‘matigi’ caman bɛ yen.”(1 Kɔrɛntekaw 8:5, 6) O bɛɛ n’a ta, Bibulu b’a jira k’a jɛya ko Ala lakika kelenpe de bɛ yen min tɔgɔ ye ko Jehova.—Zaburu 83:19, Bible Senuma, 1961.

^ dak. 1 Ni Heburu dɔnnikɛlabaw bɛ Ala tɔgɔ fɔ, u ka telin ka “Yawe” de fɔ.

^ dak. 1 Ala tɔgɔ fɔcogo surunman dɔ ye “Ya” ye. “Ya” bɛ sɔrɔ daɲɛ dɔ fana la i n’a fɔ “Haleluya” walima “Aleluya” ni o kɔrɔ ye ko ‘Ya ka tanu.’—Jirali 19:1. Ni an ye o fɔcogow bɛɛ fara ɲɔgɔn kan minnu sɛbɛnnen bɛ ni “Ya” ye, o bɛ sɔrɔ Bibulu kɔnɔ siɲɛ 50 ɲɔgɔn.

Minnu ni nin barokunw bɛ taa ni ɲɔgɔn ye

Ala Ɲininkali minnu sinsinnen bɛ Bibulu kan olu jaabiw

Ninnu fana lajɛ

ƝININKALI MINNU SINSINNEN BƐ BIBULU KAN OLU JAABIW

https://cms-imgp.jw-cdn.org/img/p/502017121/univ/art/502017121_univ_sqr_xl.jpg

ijwbq tilayɔrɔba 125

Jehova Seerew

Tɔgɔ joli de bɛ Ala la?

Bibulu bɛ jaabi min di

Yala tɔgɔ wɛrɛw bɛ Jehova la wa?

Yɔrɔw tɔgɔ, layidu kɔrɔ kɔnɔ

Kun minnu kosɔn Ala tɔgɔ dɔnni ni a fɔli nafa ka bon

Minnu ni nin barokunw bɛ taa ni ɲɔgɔn ye

Ninnu fana lajɛ

Jehova ye jɔni ye?

Yala tɔgɔ bɛ Ala la wa?

A ɲini u ka na bɔ i ye