DƆ́Ɔ́ GBƆ-DÈ-DÈ
![[Dyi-dyé-ɖɛ̀ nìà mí 10 kɔ̃ɛ]Àpɔ́sò Pɔ́ɔ̀ kè dyí-gmɔ̀-nyɔ̀ ɖò sãìn bũ̀, ké Pɔ́ɔ̀ nì Kã́á Àgéɖépà kè Fɛ́sàɖà ɔ kè Bàníì gbo wùɖùɛ̀n kpéín-dyé-kà.](https://assetsnffrgf-a.akamaihd.net/assets/m/1102023304/univ/wpub/1102023304_univ_cnt_1_xs.jpg)
CƐ̃́Ɛ́-ÐƐ̀ 4
Nyɔ-Mìɔùn-Ɓíɖíi-Dyà-Dyà
Hwìè-da-zàìn-wùɖù: “Ɓè mɛ dyà ɓè mìɔùn ɓíɖíi, ké ɓè mɛ ɓɔ́ hwìɖìi poɛ̀n kà ɓè kpa ɖɛ ké ɓè zi nyɔ tɔ̀ɔ̀ ɓè dyíɛ.”—Fèɖ 2:3.
Ðɛ Pɔ́ɔ̀ Nyu Ma Kɛ
1. Dyé VÍÐÒƆ̀ dyi, mɔɔ zà Àpɔ́sò 26:2, 3 wuɖuún. Nìí, poìn dyi-diè-ɖɛ̀ ɓè kɔà ɓó dyíɛɛ jè hwìɖìi:
-
Xwɛ̀ Pɔ́ɔ̀ nyu ma nyɔ-mìɔùn-ɓíɖíi-dyà-dyà tɛ̀mɛ̀ìn dyììn ɖé kà ɔ nyu ma Kã́á Àgéɖépà gbo wùɖùɛ̀ kɛɛ múɛ́?
-
Xwɛ̀ Pɔ́ɔ̀ nyu ma Jɛhova kè Geɖepɔɔ Wuɖuɔ̀ dya dèɛ̀ ké ɔ se ma ɔ mìɔùn wɛ̃́?—Dyé Àpɔ́sò 26:22.
Ðɛ́ À Cɛ̃́ Pɔ́ɔ̀ Xwaún Wɛ̃́?
2. Bɔ̃̀ ɓɛ́ à wáɖáà kɛɛ ɓɛ́ìn nyɔ ɓè hwìɖìi nɔ̀mɔ̀ɔ̀ ɔ jù ké à dyiɛ wáɖá ɖé nyɔ-mìɔùn-ɓíɖíi-dyà-dyà kè kpéín-dyé-dyé mú ní.
Sí Pɔ́ɔ̀ Ɓo-Bɛ̃̀ìn
3. Ɓɔ́ m̀ mìɔùn dyí ɓúáìn. Ɓɔ́ɔ nyuɛ kà m̀ dyuò ɖɛ séín dyí ké nyɔ tɔ̀ɔ̀ se ɖɛ ɖò dyí dyuò fɔɔ kɛ. Wùɖù ɔ gbo kpéín-dyé-kà.
4. Nyuɛ ɓɛ́ ɔ ké wáɖáá nì kà jàà m̀ nìà tɛ̀mɛ̀ìn nyɛɛ sɔ̀ìn ɖé Baɓoɔ múɛ. Geɖepɔɔ Wuɖuɔ̀ ɓéɖé fɔ̀nɔ̀-hwòɖò ɓè ɓɛ́ wa ɓɛ́ìn nyɔ ɓè hwòɖò dyi tóɛ kɛ. À dyiɛ kũ̀à mú nyùìn ní, à mu waà hwìɖìi-taɓa-taɓaɔ̀ dyi kùɛ̀n nì sɔ̀ìn ɖé Baɓoɔ mú.
5. Kpɔ̃ m̀ mìɔùn dyí kánáá pu. Ɓɔ́ɔ kɔ̃ nɛ́ɛ wɛ̃́-wɛ̃́ kà ɖɛ ɖò m̀ cɛ̃ɛ mɔ̀ jàà kɛ. À se mɔ́ ɓɛ́ à ké dòìn zà. Tɛ̀mɛ̀ìn nyɔ-mìɔùn-ɓíɖíi-dyà-dyà dyììn ɖé gìɖìi nì-nì mú, ɓɛ́ m̀ ké ti m̀ ké mùìn nyɛɛ dyí dyuò. (Nɔ́ɔ́ 17:14; Tátɔ̀ 3:2) À dyi wùɖù ɖé wuɖu ɓɛ̀ɖɛ̀ɛ̀-ɓɛ̀ɖɛ̀ɛ̀ mú ní, à muɛ nyuùn ɓɛ́ à kè nyɔɔ̀ ké dɔ́ɔ́ dè ɖe nɔ̀mɔ̀ dyíin ɖé dyúa.
