DƆ́Ɔ́ GBƆ-DÈ-DÈ
CƐ̃́Ɛ́-ÐƐ̀ 5
Wùɖù Sɛ́ɖɛ́-Kà
Hwìè-da-zàìn-wùɖù: “Kà ɓè mu nyɔ ɓè gbo wùɖùɛ̀ nyuùn wɛ̃ɛ, ɔ mɛ nɔ̀mɔ̀ dyíin ti séín.”—Kɔ̀ɖ 4:6.
Ðɛ Pɔ́ɔ̀ Nyu Ma Kɛ
1. Dyé VÍÐÒƆ̀ dyi, mɔɔ zà Àpɔ́sò 17:22, 23 wuɖuún. Nìí, poìn dyi-diè-ɖɛ̀ ɓè kɔà ɓó dyíɛɛ jè hwìɖìi:
-
Xwɛ̀ Pɔ́ɔ̀ hwòɖò nyu ma nìɛ̀ ɓá ɓiè-kpòò se jàà ɓèɛ̀ xwai-nyu-ɖɛ̀ ɓè ɓɛ́ ɔ dyé ma ɖé Átɛ̃̀-hwɔ̀ɖɔ̀ɔ̀ múɛɛ jè dyíɛ́?—Dyé Àpɔ́sò 17:16.
-
Pɔ́ɔ̀ se ma Átɛ̃̀-nyɔ̀ ɓèɔ̀ zaa wɔ̃ po dyɛo, kɛɛ xwɛ̀ ɔ nyùìn ma waà jàà-po-ɖɛ̀ ɓèɔ̀ kũ̀à mú kpéín-dyé-kà, ɓɛ́ ɔ ké ma bɔ̃̀ nɔ̀mɔ̀ dyíinɔ̀ wa gbo cɛ̃ kɛ́?
Ðɛ́ À Cɛ̃́ Pɔ́ɔ̀ Xwaún Wɛ̃́?
2. Nyɔ ɓè mu dyɛ̀ à ɖùù gbo tòɛ̀ mɔ́ùn ɔ jù ké à dyi mú ma ɓá ɖɛ à mu cɛ̃ìn, kè kà à muɛ cɛ̃ìn, ɔ kè ti à muɛ cɛ̃̀ìn nyɛɛ jè dyí ní.
Sí Pɔ́ɔ̀ Ɓo-Bɛ̃̀ìn
3. Gã wuɖu ɖéé-ɖéé. Ɔ hwɔìn-kà, m̀ dyi nyɔ ɖò ɓɛ́ ɔ se Kɛ́ɖɛ́ì ɖeín-sí-nyɔ̀ kɛɛ gbo wùɖùɛ̀n nììn, m̀ kɔ̃̀ m̀ ké kà m̀ ké Baɓoɔ da zà, mɔɔ kà m̀ ké Jízɛ̀ jè cɛ̃ kɛɛ dyí zàìn dyɛ̀.
4. Ɓɔ́ fṹàà ɓó nyɔ ɖò dyí sɛ́ɖɛ́ìn jè. Nyí nyɔɔ̀ ti ɓɛ́ ɔ ké wùɖù. Ɔ jù ké ɔ dyi ɖɛ ɖò ɓɛ́ ɔ kè Baɓoɔ se gbo muìn nyɛɛ cɛ̃ ní, ɓɔ́ dòìn zàà fɔɔ. (Jĩ́ìn 1:19) Dyììn ɖé ɔ ɖùù-gbo-tò-tò múɛɛ, nì mu ɖɛ mɔ̀ ɔ hwìɖìi-poìn-ɖɛ̀ kɛɛ múin wɔ̃́ùn.—Nɔ́ɔ́ 20:5.
5. Wɔ̃́ìn ɖɛ nyɔɔ̀ cɛ̃ kɛɛ gbo ɓɛ́ m̀ ké ɔ zuò po ɔ jù ké ɔ dyi wɛ̃̀ìn ní. Ɔ ɓɛ́ìn dyɛ̀ jàà poɛ cá kà ɔ jàà-po-ɖɛ̀ ɓè ɓá ɓiè-ɓiè dyíɛɛ sɛ́ɖɛ́ìn dyíɛ. Cɛ̃ ɖɛ ɖò ɓɛ́ ɓè sɔ̃́ɔ̀ mu gbo wɔ̃́ìn nyɛ kĩ́ín, nìí, ɓɛ́ m̀ ké ɔ gbo kpá mɛ́nɛ́-mɛ́nɛ́, ɓɛ́ ɔ ké ɖɛ Baɓoɔ tɛ̀mɛ̀ìn nyɛɛ múin wɔ̃́.
