DƆ́Ɔ́ GBƆ-DÈ-DÈ
CƐ̃́Ɛ́-ÐƐ̀ 6
Se Nyɔùn-Dyù Fã̀à Peɖe
Hwìè-da-zàìn-wùɖù: “Geɖepɔɔ po ma à kpéí, ɓɛ́ à ké ma bɔ̃̀ nɔ̀mɔ̀ dyíin sɔ̀àìn ɖé ɔ gboɛɛ ɓè gbo cɛ̃.”—1 Tɛ̀s 2:2.
Ðɛ Jízɛ̀ Nyu Ma Kɛ
1. Dyé VÍÐÒƆ̀ dyi, mɔɔ zà Ðúù 19:1-7 wuɖuún. Nìí, poìn dyi-diè-ɖɛ̀ ɓè kɔà ɓó dyíɛɛ jè hwìɖìi:
Ðɛ́ À Cɛ̃́ Jízɛ̀ Xwaún Wɛ̃́?
2. À kɔ̃̀ à ké se nyɔùn-dyù fã̀à peɖe ɓɛ́ à ké Kã́á-ɓòɖòɔ̀ bɔ̃̀ nyɔ séín gbo kpa.
Sí Jízɛ̀ Ɓo-Bɛ̃̀ìn
3. Dè Jɛhova hwòɖò kɔ̃. Geɖepɔɔ zùùɔ̀ nyí ma Jízɛ̀ kpé, ɓɛ́ ɔ ké ma wuɖu wáɖá, ké ɔ ɓɛ́ìn mɔ̀ùn kpé nyíɛ ɖekè. (Máf 10:19, 20; Ðúù 4:18) Ɓaà Jɛhova ɓɛ́ m̀ ké se fã̀à peɖe, ɓɛ́ m̀ ké nyɔ ɓè mu dyɛ̀ fã̀à-kà nììn nyɛɛ gbo wuɖu wáɖá.—Àpɔ́ 4:29.
4. Ɓɔ́ nyɔ ɓè zaa wɔ̃ poɛ wàɖà. Kà nyɔ ɓè nyu nìɛ̀ kɛ mɔɔ nyɔ ɓè wa sɔ̀ hwìɛ̀ kɛ mɔɔ ɖɛ wa ɓéɖéɛ mɔɔ kà wa nyu cĩ́ɛ kɛ mɔɔ ɖɛ wa po jàà kɛɛ ɓɛ́ìn à kpéí hwɔɔ ɓɛ́ à ké wa gbo wùɖù. Kɛɛ, ɖɛ mɛ nì m̀ hwìɖìiɛɛ mɔ̀:
5. Ɓɔ́ nyɔùn-dyù fã̀à peɖeɛ, kɛɛ wùɖù sɛ́ɖɛ́-kà ɓɛ́ m̀ ké mú ma. (Máf 10:16) Ɓàɖàìn dòìn-zà-zà dyí. Táà dɔ́ɔ́ɔ̀ dyi ɖé gìɖìi mú ɔ jù ké nyɔɔ̀ se bɔ̃̀ nɔ̀mɔ̀ dyíinɔ̀ ɖùù gbo tòɛ̀ mɔ́, mɔɔ m̀ dyi fũ̀à-fṹá ɖò dyiɛ dyéín.—Nɔ́ɔ́ 17:14.
