ÐE-KƆ́ÌN-KƆ́ÌN
CƐ̃́Ɛ́-ÐƐ̀ 7
Dúún-Ku-Ku
Hwìè-da-zàìn-wùɖù: “Wa se ma bɔ̃̀ nɔ̀mɔ̀ dyíin ɓá kà Jízɛ̀ mɔ̀ Kɛ́ɖɛ́ìɔ̀ kɛɛ jè dyíɛɛ cɛ̃ɛ ɓɔ́.”—Àpɔ́sò 5:42.
Ðɛ Pɔ́ɔ̀ Nyu Ma Kɛ
1. Dyé VÍÐÒƆ̀ dyi, mɔɔ zà Àpɔ́sò 19:8-10 wuɖuún. Nìí, poìn dyi-diè-ɖɛ̀ ɓè kɔà ɓó dyíɛɛ jè hwìɖìi:
Ðɛ́ À Cɛ̃́ Pɔ́ɔ̀ Xwaún Wɛ̃́?
2. À kɔ̃̀ à ké ɖé ti po, kè ɓɛ́ à ké dúún ku, ɓɛ́ à ké kɔ́ìn-ɖe-kpà ɓè zà nɔ̀mɔ̀ dyíin, kè ɓɛ́ à ké Baɓo cɛ̃́-cɛ̃́ ɓè gbɔ dè.
Sí Pɔ́ɔ̀ Ɓo-Bɛ̃̀ìn
3. Zĩàìn nì tiɔ̀ gbo ɓó nyɔɔ̀ jè. Diè m̀ mìɔùn dyi: ‘Ti jɛ́ɛ́ɔ̀ nyɛ́ ɔ mu dyíin nɔ̀mɔ̀ùn ɓɛ́ ḿ ké ɔ dyi dyɛ̀ìn nyɛ́? Ti kè dɛ̀ mu dyíin nɔ̀mɔ̀ùn ɓɛ́ ḿ kè ɔ ké wùɖù kɛ́?’ Nì hwòɖò mɛ wɔ̃́ ɓɛ́ m̀ ké ɖe kɔ́ìn, kɛbì tiɔ̀ mɛ se dyíin nɔ̀mɔ̀ ɓó m̀ bììɛ.
4. Gã ti ɖò. Ðé dɔ́ɔ́ ɖò-ɖò séín mánáín ní, m̀ mɛ vɔ̃ ɓɛ́ m̀ ké ti jɛ́ɛ́ ɖò kɔ̃̀ ɓaɖa ɓɛ́ m̀ ɓɛ́ìn nyɔɔ̀ gbo wùɖùɛ̀ ɖeɛɛ gã. Jìɖìɛ̀n kɔ̃ ɓɛ́ m̀ ké tiɔ̀ gboi kpɔ̃.
5. Dè ɖɛ hwòɖò kɔ̃ tee. Ɓɔ́ hwòɖò-gmà poɛ wàɖà kà ɓɛ́ nyɔ ɖò ɓɛ́ ɔ ní nì taún kpɛ́-kpɛ́ mɔɔ ɔ ɓéɖé kũ̀à pàɖà kɛɛ hwòɖò se wɔ̃́ kɛ. (1 Kɔ̀ɖ 13:4, 7) Kɛɛ, m̀ mɛ nyùìn nì tiɔ̀ kũ̀à mú hwòɖò-fɔ̀nɔ̀-kà.—1 Kɔ̀ɖ 9:26.
