Céè-ɖɛ̀ nìà kɛɛ mu m̀ gbo kpáùn ɓɛ́ m̀ ké ɖɛ cɛ̃́-cɛ̃́ sɔ̀àìn ɖé Gèɖèpɔ́ɔ̀ Wuɖu nìà ɖé Báɓòɔ̀ mú jɛ́ɛ́ kɛɛ múàǔn dyi kpáìn. Báɓò céè-ɖɛ̀ ɓě nìà wuɖu-kpà ɓěɔ̀ xwíɖíiɛɛ tɛ̀mɛ̀ìn dɛ̀ m̀ ɓɛ́ìn dyi-diè-ɖɛ̀ ɓě nìà kpìǐɛɛ gɔ̃̌ jǔɛ̀ ɖé nì Báɓòɔ̀ múɛ.

M̀ dyi Bàɓò vɔ̀sì ɓě nìà kɛɛ wuɖuún zàà nìǐn, nìí m̀ mɛ poɛ̌n hwìɖǐi kà wa ɓɛ́ìn dyi-diè-ɖɛ̀ ɓě nìà kɛɛ gɔ̃̌ jǔɛ̀ kɛ. Jɛ̀hóvà Zàse ɓěɔ̀ ɖò mu múàǔn kpáùn ɓɛ́ wa ké m̀ gbo kpá ɓɛ́ m̀ ké Báɓòɔ̀ xwíníín múin wɔ̃́.​—Zà Ðúù 24:32, 45 wuɖuún.