Ðɛ́ mɔ̀ gĩɔ kɛ́? Gĩɔ nì kà nyíɔ vɛ̀nɛ̀ ɖò nìà kɛ. (Jɔ̃́ɔ́ 11:11-14) Nyɔ ɓě ɖǎà mɛ́ɛ se dyi wɔ̃́ɔ ɓɛ́ìn, ké wa se dyi dyéɛ ɓɛ́ìn, ké wa se wùɖùɛ̀ ɓɛ́ìn mɔɔ ɓɛ́ wa ké ɖɛ ɖò jè hwìɖǐi poìn ɖe. (Ìkíɖísìásì 9:5, 10) Ɓiè-kpò seà jǎà kɛɛ tɛ̀mɛ̀ìn kà ɓɛ́ nyɔ ɓě ɖǎà mɛ́ɛ mu ɖé dɛ̀ ɓɛ́ zùù ɓě cĩ́à kɛ, ɓɛ́ wa ké waà ɓǎ nììn ɓǎ ɓěɔ̀ gbo nì. Báɓòɔ̀ se ɖɛ nì náa tɛ̀mɛ̀ìn.

Nyɔ ɓě ɖǎà mɛ́ɛ se à gbo kpáa ɓɛ́ìn, ké wa se à ɖɛ gbà bũ̌ nyuɛ ɓɛ́ìn. Nyɔ pàɖǎ pa hwɔ mɔɔ wa zà sáa, sepóɛɖé wa hwòɖǒ ɖá ɖɛ ɓě nìà kɛ nyu-nyu mu nyɔ ɓě ɖǎà mɛ́ɛ hwòɖǒ dyi dèìn. Gèɖèpɔ́ɔ̀ hwòɖǒ se ɖɛ nìà kɛ múin dèìn, sepóɛɖé ɔ sɔ̀ìn Sétɔ̃̀ɛ̀ se ɓěɔ̀ ɖò mú. Wa se nyɔ ɓě ɖǎà mɛ́ɛ hwòɖǒ dyi dèɛ̀ ɓɛ́ìn dyɛ mɔ̀ùn kà ɓɛ́ wa seà fɛ̀ɛ̀ ɖò ɓéɖéɛ. À mɛ ɓɔ́ nyɔ ɓě ɖǎà mɛ́ɛ dyi peɖeɛ mɔɔ ɓɛ́ à ké wa ɓiè. Gèɖèpɔ́ɔ̀ ɖòùn ɖé à mɛ ɓiè.—Máfíò 4:10.

Nyɔ ɓě ɖǎà mɛ́ɛ mu cĩ́ìn ɖe. Jɛ̀hóvà mu nyɔ ɓě ɖǎà mɛ́ɛ gĩɔ zàùn, ɓɛ́ wa ké ɓóɖó-kpàà kɔ̃ cĩ́ ɖé páɖédǎ mú. Tia nì ɖé dyúa ke. (Jɔ̃́ɔ́ 5:28, 29; Àpɔ́sò 24:15) Gèɖèpɔ́ɔ̀ ɓɛ́ìn nyɔ ɓě ɖǎà mɛ́ɛ gĩɔ zàà kà m̀ ɓɛ́àìn nyuɛ jɛ́ɛ́ ɓɛ́ nyɔ ɖò kéà nyíɔún wóɖó kɛ.—Máà 5:22, 23, 41, 42.

Hwìɖǐi-poìn-poìn kà ɓɛ́ à ní mɛ́ kɛɛ mɔ̀ se ɓɛ́ Sétɔ̃̀ mɔ̀à Nɔɔ́-nàmàǔn wɛ̃ɛ ɓeìn dyiɛ. Sétɔ̃̀ kè ɔ zùù gbà ɓěɔ̀ nyuɛ ɓɛ́ nyɔ ɓě kéɛ jǎà po kà ɓɛ́ nyɔ ɓě ɖǎà mɛ́ɛ nì cĩ́ɛń ke, ké wa nyuɛ ké wɛ́ kè fũ̀à-fṹá-ɖɛ̀ ɓě kpá kɛ. Tiɔ̀ ɖíɛ́ ɓě ní, Sétɔ̃̀ cá nyɔ ɓě dyììn ɖé dya-dya kè dyí-tɛ̀mɛ̀ìn-ɖɛ̀ ɓě mú. Jɛ̀hóvà nyɛ́ nyɔ ɓě vɔ̃à ɓɛ́ wa kéà nyɔ ɓě ɖǎà mɛ́ɛ gbo wùɖùɛɛ mú.—Dìtɔ̀wáɖánámɛ̀ 18:10-12.