Ɓǎto jǔ-jǔ ɓá ɖɛ̀ɓɛ̀ǐn-ɖɛ̀ɓɛ̀ǐn dyí. Kà nì mu ɖɛ pàɖǎ cɛ̃́ìn ɓá Jɛ̀hóvà jè dyíɛɛ, kǎà nì ɖɛ̀ɓɛ̀ǐn-ɖɛ̀ɓɛ̀ǐn ɓó ɔ bììɛɛ mu kɔ̃ kpáùn. Kà nì ɖɛ̀ɓɛ̀ǐn-ɖɛ̀ɓɛ̀ǐn ɓó Gèɖèpɔ́ɔ̀ bììɛ mu kɔ̃ kpáùn wɛ̃ɛ, kǎà nì muɛ mɔ́ùn mìɔ ɓɛ́ m̀ ké ɔ bìì kũ̀à nyu. Ké ɔ muɛ nyuùn ɓɛ́ m̀ ké Jízɛ̀ɛ̀ ɖeín-nà-nyɔ̀ jǔ. (Máfíò 28:19) Dyììn ɖé Jɛ̀hóvà Zàse ɓěɛ̀ múà-xwèɖè-dùɔ̀ mú nì-nì múɛɛ, m̀ ɓɛ́ìn Gèɖèpɔ́ɔ̀ ɓǎto jǔɛ kánáá pū. Ðɛ́ m̀ ɓéɖé ɓɛ́ m̀ ké nyu kɛ́?

M̀ ɓéɖé ɓɛ́ m̀ kéɛ tɛ̀mɛ̀ìn kà m̀ ɖɛ̀ɓɛ̀ Jɛ̀hóvà múɛ dyììn ɖé ɔ gma ɓěɔ̀ dyi-kpɔ̃-kpɔ̃ mú. “Ðɛ mɔ̀ ɖɛ̀ɓɛ̀ǐn-ɖɛ̀ɓɛ̀ǐn ɓɛ́ nyɔ ɓéɖé ɓó Gèɖèpɔ́ɔ̀ bììɛɛ xwíníín nyɛɛ, ɔ kɛ̀. Ɔ mɔ̀, à nyu ɖɛ ɓě ɓɛ́ ɔ cɛ̃ɛ. Ké ɖɛ ɓě ɓɛ́ ɔ cɛ̃ɛ, wa se à bìì xwa kuɛń zi.”—1 Jɔ̃́ɔ́ 5:3.

Nyùìn ɖɛ m̀ cɛ̃́ kɛɛ kũ̀à mú. Jízɛ̀ po ma nɔ́ɔ́ ɖò ɓɛ́ ɔ tɛ̀mɛ̀ìn ɖɛ nìà kɛ. Hwòɖǒ-fɔ̀nɔ̀-gàà ɖò po ma ɔ gbǒ ɖé sɔ́ɔ́-pìɔ̌ ɖò kɔ̃, ké zuɖuu-gàà ɖò po ma ɔ nììn gbǒɔ̀ ɓó pĩ́ɔ kɔ̃. Ti dìì vɛ̀nɛ̀ ɖò dyi ma kɛɛ, gbǒ ɓɛ́ ɔ nì ma sɔ́ɔ́-pìɔ̌ kɔ̃ɛɛ se ma wáɖá, kɛɛ gbǒ ɓɛ́ ɔ nì ma pĩ́ɔ kɔ̃ɛɛ wáɖá ma, ké ɖɛ ɖò se ma ɓó sè. Jízɛ̀ ɖá nyɔ ɓě ɓɛ́ wa wɔ̃́ ɔ wuɖu ɓěɔ̀, ké wa nyu wa kɛɛ nì kà hwòɖǒ-fɔ̀nɔ̀-gàà ɓɛ́ ɔ po ma ɔ gbǒ ɖé sɔ́ɔ́-pìɔ̌ kɔ̃ɛɛ nìà kɛ. Kɛɛ nyɔ ɓě ɓɛ́ wa wɔ̃́ ɔ wuɖu ɓěɔ̀, kɛɛ wa ní nyu wa kɛɛ nì kà zuɖuu-gàà ɓɛ́ ɔ po ma ɔ gbǒɔ̀ ɓó pĩ́ɔ kɔ̃ɛɛ nìà kɛ. Gàa ɓěɔ̀ nyɛ́ m̀ mɔ́ ɓɛ́ m̀ ké hwɔìn nyɛ́?—Máfíò 7:24-27.

 Zà nì fɛ̀ɛ̀ɔ̀ xwáɖáún ɖé Gèɖèpɔ́ɔ̀ gbo. Ɔ xwíníín mɔ̀, m̀ mɛ cɛ̃ɛ Jɛ̀hóvà gbo ɖé ɓaà-wùɖù mú kà ɓɛ́ m̀ mɔ́ ɓɛ́ m̀ ké ɔ mɔ́ɔ́-ɖɛ̀ nyu kánáá pū kɛ. Gèɖèpɔ́ɔ̀ mɔ́ɔ́-ɖɛ̀ nyu-nyu tɛ̀mɛ̀ìn kà ɓɛ́ m̀ mɔ̀ Jízɛ̀ɛ̀ ɖeín-nà-nyɔ̀ kɛ.—Máfíò 11:29.

Kpá níɔ. “Sɔ̀ dyí, ɓɛ́ m̀ ké níɔ kpá, ɓɛ́ m̀ ké [Jɛ̀hóvà] nyɛ́nɛ́ɔ̀ ɖá, ɓɛ́ m̀ ké nì nàmàǔn ɓěɔ̀ bũ̌in dèɖè.”—Àpɔ́sò 22:16.

Nyu Gèɖèpɔ́ɔ̀ bìì kũ̀à hwòɖǒɛ̀-ɖé-hwɛ̀-kà. “Ðɛ séín ɓě nyuɛɛ, ɓě mɛ nyuɛ ɖéɛ ɓěɛ̀ hwòɖǒ-dyùà séín mú, kà ɓɛ́ ɓě nìà [Jɛ̀hóvà] bìì kũ̀à nyuɛń, ké ɓě seà nyɔǔn-dyù bìì nyuɛń nìɛ.”—Kɔ̀ɖɔ́sĩ̀à 3:23.