M̀ kpáìn ɖɛ ɓè m̀ ɖàà cɛ̃́ kɛɛ múàùn dyiì?
Nì muɛ mɔ́ùn ɓɛ́ m̀ ké ɖɛ pàɖà cɛ̃́ sɔ̀ìn ɖé Baɓoɔ múù?
Ðɛ nìà kɛ mɔ̀ ɖɛ pàɖà ɓè m̀ ɓɛ́ìn cɛ̃́ɛ ɖé céè-ɖɛ̀ mɔ̀à Kpáìn Fɛ̀ɛ̀ Múàùn Dyi Ɓó Sè-Ná-Sèɛ̀ Tiín!—Baɓoɔ Cɛ̃́-Cɛ̃́ Dɔ́ɔ́-Dè-Kà kɛ múɛɛ tííwè pu.
M̀ se wíɖí ɖò pɛ́ɛ̀ mu ɓó céè-ɖɛ̀ɔ̀ mɔɔ ɖɛ-cɛ̃́-cɛ̃́ɔ̀ jè. À mu múàùn kpáùn, ɓɛ́ à kè mɔ̀ ké ɖɛ cɛ̃́ ɓó ti kè dɛ̀ mu dyíin nɔ̀mɔ̀ùn ɓó m̀ bììɛ.
Ðé Baɓo-cɛ̃́-cɛ̃́ nìà kɛ múɛɛ, nì mu ɖɛ pàɖà ɓè jè cɛ̃́ìn. Wa ɖíɛ́ ɓè mɔ̀:
Ðɛ mɔ̀ cĩ́-cĩ́ xwíníín nyɛ
Kà nyɔ ké gìɖìì jɛ́ɛ́ ɓéɖéɛ
Kà xwéɖé-dù ɓè ɓɛ́ìn múàùn nìɛ̀ kɛ
Ðɛ Baɓoɔ cɛ̃ ɓá ɖé dyúa jè dyíɛ
Ɓɛ́ m̀ ké céè-ɖɛ̀ɔ̀ ɖò ɓéɖé, ɓɛ́ m̀ ké Baɓo-cɛ̃́-cɛ̃́ɔ̀ dyúa kpa ní, diè Jɛhova Zàse ɓèɔ̀ ɖò dyi mɔɔ ɖoɓo Baɓo-cɛ̃́-cɛ̃́ɔ̀ ɖò jè ɖé jw.org kɔ̃.
