CƐ̃́Ɛ́-ÐƐ̀ 1
Wuɖu-Da-Zà-Zà Nɔ̀mɔ̀ Dyíin
Àpɔ́sò 17:22
SṸÌN-XWÍNÍÍN: Nì wuɖu-da-zà-zàɔ̀ mɛ kpɔ̃ nyɔ ɓè hwòɖò, ké ɔ mɛ zà ɖɛ m̀ nìà jè cɛ̃iń nyɛɛ da, ké ɔ mɛ tɛ̀mɛ̀ìn xwíníín kɔ̃̀ jè nyɔ ɓè m̀ wùɖùà gboɛɛ mɛ kpáìn múàùn dyíɛ.
Ɔ NYU-KA:
-
Cɛ̃ ɖɛ kpɔ̃ nyɔ ɓè hwòɖòɛ. Gã dyi-diè-ɖɛ̀ ɖò mɔɔ wuɖu ɓè mɔɔ dyí-dyé-ɖɛ̀ ɖò mɔɔ bɔ̃̀ ɖò ɓɛ́ ɔ mu nyɔ ɓè m̀ wùɖùà gboɛɛ hwòɖò kpɔ̃ùn wɛ̃.
-
Zà ɖɛ m̀ nìà jè cɛ̃iń nyɛɛ da. Nyuɛ ɓɛ́ nì wuɖu-da-zà-zàɔ̀ ké ɖɛ m̀ nìà jè cɛ̃iń nyɛ kè ɖɛ mɔ̀ ɔ xwíníín nyɛɛ tɛ̀mɛ̀ìn wáɖáá ɖé nyɔ ɓè m̀ wùɖùà gboɛɛ gbo.
-
Tɛ̀mɛ̀ìn xwíníín kɔ̃̀ jè ɖɛ m̀ nìà jè cɛ̃iń nyɛɛ kpaà ɖɛ kɛ. Cɛ̃ ɖɛ ɓè mu nyɔ ɓè m̀ wùɖùà gboɛɛ dyí ɓáùn jɛ́ɛ́ kɛ. Wa mɛ wɔ̃́ kà ɖɛ m̀ nìà jè cɛ̃iń nyɛɛ ɓɛ́ìn wa gbo kpáa jɛ́ɛ́ kɛɛ múin wáɖáá.
