Kpa nì wuɖuɔ̀ dyií mɔɔ dyàà ɓíɖíi. Kpa nì wuɖuɔ̀ dyií ɓɛ́ m̀ ké fɔ̀nɔ̀-hwòɖò jɛ́ɛ́ ɓè jìì taɓa, kè ɓɛ́ m̀ ké nyɔ ɓèɔ̀ kpéí po. Nyu ɖɛ dyúáɖòɔ̀ ɔ jù ké m̀ dyi Baɓo vɔ̀sì ɓè ɓá zaa wɔ̃ po jè dyíɛɛ wuɖuún zàà nììn. Dyà nì wuɖuɔ̀ ɓíɖíi ɓɛ́ m̀ ké nyɔ ɓè dì-dì hwòɖòùn po, mɔɔ ɓɛ́ m̀ ké fã̀à mɔɔ hwòɖò-dyií-gbaìn-gbaìn tɛ̀mɛ̀ìn.

Zàìn nì wuɖuɔ̀ ɓɛ́-kà dyí. Ɔ jù ké ɔ dyi wɛ̃̀ìn ɖé wuɖu m̀ poɛɛ mú ní, ɓúáìn nì wuɖuɔ̀ dyí ɓɛ́ m̀ ké kà ɖɛ ɖò nyu nyɔ hwòɖò kpɔ̃ɔ kɛ, mɔɔ kà ɖɛ ɖò nyu ɓɛ́ɛ mɔɔ ɓoún cɛ̃̀ɛ̀ kɛɛ tɛ̀mɛ̀ìn. Ɓíèìn nì wuɖuɔ̀ dyí ɓɛ́ m̀ ké wìì mɔɔ hwòɖò-dyií-gbaìn-gbaìn tɛ̀mɛ̀ìn.

Zàìn nì wuɖuɔ̀ kpa-kà dyí. Kpàìn nì wuɖuɔ̀ pɛɖɛ ɓɛ́ m̀ ké múàùn-kpá-kpá tɛ̀mɛ̀ìn. Mɛɛ̀ nì wuɖuɔ̀ ɔ jù ké m̀ dyi fɔ̀nɔ̀-hwòɖò kpa ɖɛ ɓè jè cɛ̃ɛ nììn.