CƐ̃́Ɛ́-ÐƐ̀ 13
Nyuɛ Ɓɛ́ Cɛ̃́ɛ́-Ðɛ̀ɔ̀ Kũ̀à-Mú-Nyùìn-Kà Ké Wáɖáá Nì
Nɔ́ɔ́ 3:21
SṸÌN-XWÍNÍÍN: Kpá nyɔ ɓè m̀ wùɖùà gboɛɛ gbo, ɓɛ́ wa ké kà ɖɛ m̀ nìà jè cɛ̃iń nyɛ nyu wa cĩ́-cĩ́ɔ̀ dyí ɓáa kɛɛ múin wɔ̃́, ké tɛ̀mɛ̀ìn wa dyí ɖɛ wa kɔ̃̀ wa ké ɖɛ wa cɛ̃́à kɛɛ mú nyùìn nyɛ.
Ɔ NYU-KÀ:
-
Poìn nyɔ ɓè m̀ wùɖùà gboɛɛ jè hwìɖìi. Nàìn xwíníín kɔ̃̀ jè nyɔ ɓèɔ̀ kɔ̃̀ wa kéà ɖɛ m̀ nìà jè cɛ̃iń nyɛ wɔ̃́ kɛɛ jè hwìɖìi, ké poìn ɖɛ jɛ́ɛ́ mu wa gbo kpáùn wɛ̃ɛ jè hwìɖìi.
-
Ðé nì wuɖu wáɖá-wáɖá gànáɔ̀ múɛɛ, tɛ̀mɛ̀ìn ɖɛ nyɔ ɓèɔ̀ ké nyu kɛɛ wa dyí. Sɔ̀ìn ɓó ɔ gbɔ-dè-dè gboɛɛ, nyɔ ɖò-ɖò séín mɛ ɓɛ́ìn dyéɛ, ɓɛ́ wa ké níiń, ‘Ðɛ nìà kɛ ɓá ḿ dyí.’ Kà nì muà fɔ̀nɔ̀-hwòɖò jɛ́ɛ́ ɖò-ɖò kɔ̃in zaìn nyɛɛ, tɛ̀mɛ̀ìn ɔ kũ̀à-mú-nyùìn-kà. Cɛ̃ ɖɛ jɛ́ɛ́ ɓè jè wáɖáá.
