Dyé ti nɔ̀mɔ̀ dyíin. Cɛ̃́ ɖɛ nì muà cɛ̃ìn nyɛ tee ɓɛ́ m̀ ké fɔ̀nɔ̀-hwòɖò jɛ́ɛ́ ɓèɔ̀ kè kà Baɓoɔ nyuɛ tɛ̀mɛ̀ìn kà wa mɔ̀ jàà kɛɛ múin wɔ̃́. Vɔ̃ ɓɛ́ m̀ ké nì wáɖáá-wùɖùɔ̀ fɔ̀nɔ̀-hwòɖò jɛ́ɛ́ ɓèɔ̀ kɔ̃in zaìn ɖé wuɖu gbɛ̀i-gbɛ̀i se múin wɔ̃́uń kàmà kɛɛ mú. Poìn kà ɔ nyu ɖɛ kpaa ɖé nyɔ ɓè nì muà gbo wùɖùùn wɛ̃ gboɛɛ jè hwìɖìi. Ɓaà ɓó zùù hwɛ̀in-hwɛ̀inɔ̀ jè.

Nyùìn wuɖu ɓè ɓɛ́ wa tɛ̀mɛ̀ìn jàà-ɖɛ̀ kɛɛ kũ̀à mú. Ɓɔ́ wuɖu dyúáɖò ɓè wa céèà kɛɛ kɔ̃in kpaa pu, kɛɛ nyùìn m̀ mìɔùn nììn wĩín-wùɖù ɓè kũ̀à mú. Nyùìn wuɖu ɓè ɓɛ́ wa muɛ tɛ̀mɛ̀ìn kà m̀ po ɖɛ m̀ nìà cɛ̃iń nyɛ jàà kɛɛ kũ̀à mú.

Wùɖù jàà-kà kè ɖé hwòɖò wáɖáá mú. Kpa nì wuɖuɔ̀ dyií. Ɔ dyi wɛ̃̀ìn ɖé gbɛ̀ɔ̀ mú ní, gmɔ̀ nyɔ ɓè m̀ wùɖùà gboɛɛ dyéɖéín.