Gmɔ̀ nyɔ ɓè m̀ wùɖùà gboɛɛ dya dyí-sɛ́ɖɛ́ìn-kà. Dèɛ̀ hwòɖò kɔ̃ kà nì mùe jàà-po-nyɔ̀ ɓèɔ̀ mɔ́ Jɛhova hwòɖò dyi dèɛ̀ dyiɛ. Ɔ jù ké m̀ dyi ɓéɖé ɓɛ́ m̀ ké náún-po-wùɖù ɖò tò ní, po wa zùo kĩ́ín ɖé hwòɖò wáɖáá mú ti séín ɔ mu wɛ̃̀ìn nyɛ.

Ɓɔ́ ɖɛ gbà pàɖà jè cɛ̃ɛ. Cɛ̃ ɖɛ gbà ɓè ɓɛ́ wa ɓá ɖɛ m̀ nìà jè cɛ̃iń nyɛ dyíɛɛ jè ɔ jù ké ɖɛín-ɖɛ̀ ɖò dyi wa jè cɛ̃-cɛ̃ mú nììn. Kà m̀ nyu nì wuɖu gànáɔ̀ wáɖáa kɛɛ mɛ po nyɔ ɓè kpéí.

Nyùìn Geɖepɔɔ Wuɖuɔ̀ kũ̀à mú mìɔ. Taɓa ɖɛ Jɛhova ɖà nyu kè ɖɛ ɔ nì nyuɛń ɔ kè ɖɛ ɔ mu nyuùn ɓó nyɔùn bììɛɛ jìì. Nyuɛ ɓɛ́ nyɔ ɓè m̀ wùɖùà gboɛɛ ké hwòɖò-kɔ̃-dè-ɖɛ̀ ɓéɖé, kè ɓɛ́ wa ké hwòɖò ku.