CƐ̃́Ɛ́-ÐƐ̀ 18
Nyɔ Ɓèɔ̀ Mɛ Cɛ̃́ Ðɛ Ðò
1 Kɔ̀ɖéíntĩ̀ɔ̀ 9:19-23
SṸÌN-XWÍNÍÍN: Nyuɛ ɓɛ́ nyɔ ɓè m̀ wùɖùà gboɛɛ ké hwìɖìi poìn, ɓɛ́ wa kéɛ dyé kà wa cɛ̃́ ɖɛ kpa ɖɛ ɖòɛ.
Ɔ NYU-KÀ:
-
Poìn ɖɛ nyɔ ɓè m̀ wùɖùà gboɛɛ dyuò dyí kĩ́ín nyɛɛ jè hwìɖìi. Ɓɔ́ ɖɛ wa dyuò dyí kĩ́ín nyɛɛ kɔ̃in kpaa pu, kɛɛ kpá wa gbo ɓɛ́ wa ké ɖɛ m̀ nìà jè cɛ̃iń nyɛɛ dya gmɔ̀ ɖé hwìè ɖìè ɖò mú.
-
Ðe ɖɛ múin, ké nàìn ɖɛ hwìɖìi. Ɔ dyi kpáa ɓɛ́ìn ní, cɛ̃ jàà-ɖɛ̀ ɓè ɓɛ́ nyɔ ɓè dyuò jè ɖɛ wè, mɔɔ ɖɛ ɓè nì kpáuń kàùn wɛ̃ɛ jè, ɓɛ́ m̀ ké fɔ̀nɔ̀-hwòɖò jɛ́ɛ́ ɓè ɖɛ dyí poìn. Poìn nì wáɖáá-wùɖùɔ̀ kè kà wáɖáá-wùɖùɔ̀ kè jàà-ɖɛ̀ ɓè m̀ mɔ́à jè cɛ̃ɛ dyiɛ nyu gbo muɛ̀n nyɛɛ jè hwìɖìi kóɖó-kóɖó.
-
Tɛ̀mɛ̀ìn kà ɖɛ m̀ nìà cɛ̃iń nyɛɛ kpa ɖɛ kɛ. Zaìn kà Baɓoɔ fɔ̀nɔ̀-hwòɖò ɓè ɓɛ́ìn nyɔ ɓèɔ̀ gbo kpáa ɖé waà cĩ́-cĩ́ɔ̀ mú wé séín nyɛɛ jè kɔ̃in. Cɛ̃ fũ̀à-fṹá-ɖɛ̀ jɛ́ɛ́ ɓè kè kpeɖe jɛ́ɛ́ ɓè ɔ kè nyuu-ɖɛ̀ jɛ́ɛ́ ɓè ɓɛ́ wa kpa ɖɛ ɖé nyɔ ɓèɔ̀ gboɛɛ jè.
