CƐ̃́Ɛ́-ÐƐ̀ 20
Wuɖu-Jaɖa-Jaɖa Nɔ̀mɔ̀ Dyíin
Ìkíɖísìásì 12:13, 14
SṸÌN-XWÍNÍÍN: Ðé nì wuɖu hwɛ̀ìn-gbɔ ɓèɔ̀ múɛɛ, po nyɔ ɓè m̀ wùɖùà gboɛɛ kpéí, ɓɛ́ wa ké ɖɛ wa ɖàà cɛ̃́ɛ dyi kpɔ̃, kè ɓɛ́ wa kéɛ kũ̀à mú nyùìn.
Ɔ NYU-KÀ:
-
Nyuɛ ɓɛ́ nì wuɖu-jaɖa-jaɖaɔ̀ kè hìɖì-kpàɔ̀ ké gbo muìn. Kpa fɔ̀nɔ̀-hwòɖò jɛ́ɛ́ ɓèɔ̀ kè hìɖì-kpàɔ̀ kɔ̃in ɖe.
-
Po nyɔ ɓè m̀ wùɖùà gboɛɛ kpéí. Tɛ̀mɛ̀ìn ɖɛ nyɔ ɓèɔ̀ ké nyuɛɛ wa dyí, ké cɛ̃ xwíníín nɔ̀mɔ̀ dyíin ɓè kɔ̃̀ jè wa mɛ nyuà kɛ. Wùɖù ɖé hwòɖò wáɖáá mú kè ɖɛ ɖòɛ̀ jàà-po-kà.
-
Nì wuɖu-jaɖa-jaɖaɔ̀ mɛ ɓɔ́ múin wɔ̃́uń kàmàà, ké ɔ mɛ xwã́ ɓoún. Ɓɔ́ fɔ̀nɔ̀-hwòɖò jɛ́ɛ́ ɖìè ɓè da zàà. Ðé wuɖu gbɛ̀i-gbɛ̀i ɓè m̀ kɔ̃̀ m̀ ké cɛ̃ kɛ múɛɛ, po nyɔ ɓèɔ̀ kpéí ɔ kpa hwɛ̀ìn-gbɔ nììn ɓó ɖɛ ɖò nyu jè.
