CƐ̃́Ɛ́-ÐƐ̀ 3
Dyi-Diè-Ðɛ̀ Ɓè Kũ̀à-Mú-Nyùìn-Nyùìn
Máfíò 16:13-16
SṸÌN XWÍNÍÍN: Diè ɖɛ ɓè dyi sɛ́ɖɛ́-kà, ɓɛ́ ɖɛ m̀ cɛ̃ɛ ké nyɔ ɓè hwòɖò kpɔ̃ kánáá pu, kè ɓɛ́ m̀ ké nyɔ ɓè m̀ wùɖùà gboɛɛ ɖɛ gbo kɔ̃in zaìn, ɔ kè ɓɛ́ m̀ ké fɔ̀nɔ̀-hwòɖò kpa ɖɛ ɓè jìì kɔ̃ nɛ́ìn.
Ɔ NYU-KÀ:
-
Cɛ̃ ɖɛ mu nyɔ ɓè hwòɖò kpɔ̃ùn kánáá puɛ. Diè dyi-diè-ɖɛ̀ ɓè ɓɛ́ wa nyu ké nyɔ ɓè poìn hwìɖìi, mɔɔ wa hwòɖò-dyùà nyu cà-cà ɓó ɖɛ ɖò dyuò jèɛɛ dyi.
-
Zaìn ɖɛ m̀ nìà jè cɛ̃iń nyɛɛ kɔ̃in. Kpá nyɔ ɓèɔ̀ gbo, ɓɛ́ wa ké fɔ̀nɔ̀-hwòɖò nì ɖɛ ɖò múɛɛ kíɖíí sí dyììn ɖé dyi-diè-ɖɛ̀ ɓè ɓɛ́ wa muɛ nyuùn ɓɛ́ wa ké ɖɛ ɖò múin wɔ̃́ wáɖáá kɛɛ dyi-diè-diè mú.
-
Nɛ́ìn fɔ̀nɔ̀-hwòɖò kpa ɖɛ ɓè jìì kɔ̃. Diè nyɔ-hwìɖìi-nɔ̀mɔ̀-ɖɛ̀ ɖò dyi, ɓɛ́ m̀ ké fɔ̀nɔ̀-hwòɖò jɛ́ɛ́ ɖò da zà. Nyùìn ɖɛ-kɔ̃in-kpa-kpa dyi-diè-ɖɛ̀ ɓè kũ̀à mú ɔ jù ké m̀ ɖà fɔ̀nɔ̀-hwòɖò kpa ɖɛ ɖò jè cɛ̃ɛ hwɔ, mɔɔ m̀ dyi wuɖu jaɖaa nììn.
