CƐ̃́Ɛ́-ÐƐ̀ 4
Baɓo Vɔ̀sì Ɓè Da-Zà-Zà Dyí-Sɛ́ɖɛ́ìn-Kà
Máfíò 22:41-45
SṸÌN-XWÍNÍÍN: Dyéìn nyɔ ɓè m̀ wùɖùà gboɛɛ hwòɖò-dyùà ɓèɔ̀ ti hwɛ̀ m̀ ké Baɓo vɔ̀sì ɖò wuɖuún zà.
Ɔ NYU-KA:
-
Dyuò xwíníín kɔ̃̀ jè m̀ nìà vɔ̀sìɔ̀ wuɖuún zàùn wɛ̃. Zà vɔ̀sì ɖò-ɖò séín da ɖé hwìè kɔ̃̀ mú ɓɛ́ ɔ muɛ nyuùn ɓɛ́ nyɔ ɓèɔ̀ ké fɔ̀nɔ̀-hwòɖò jɛ́ɛ́ m̀ nìà jìì taɓauń ɖé vɔ̀sìɔ̀ múɛɛ dyéɖé gbo dè.
-
Nyùìn Baɓoɔ Kũ̀à Mú. M̀ dyi nyɔ ɓè ɓɛ́ wa po Geɖepɔɔ jè jàà kɛɛ gbo wùɖùɛ̀n nììn, nyuɛ ɓɛ́ wa ké Baɓoɔ dya gmɔ̀ kà ɔ mɔ̀ Geɖepɔɔ Wuɖuɛ. Nìí, nì muɛ tɛ̀mɛ̀ìn kà ɔ mɔ̀ dɛ̀ ɓɛ́ nyɔ ɓɛ́ìn fɔ̀nɔ̀-hwòɖò zi ɖɛ kpáuń mìɔ kɛɛ dyéɛ kɛ.
-
Nyuɛ ɓɛ́ vɔ̀sìɔ̀ jè ké nyɔ ɓè hwòɖò kpɔ̃. Diè dyi-diè-ɖɛ̀ ɖò ɓɛ́ vɔ̀sìɔ̀ mu gɔ̃̀ jùùn wɛ̃ɛ dyi, mɔɔ cɛ̃ fũ̀à-fṹá-ɖɛ̀ ɖò ɓɛ́ vɔ̀sìɔ̀ mu dyi-zĩ̀ìn-kà tɛ̀mɛ̀ìn nyɛɛ jè, mɔɔ cɛ̃ hwìè-da-zàìn-wùɖù ɖò ɓɛ́ Baɓoɔ mu jè kɔ̃in zaìn nyɛɛ jè.
