Gmɔìn céè-ɖɛ̀ ɓè nyɔ ɓɛ́ìn hwòɖò kɔ̃ dèɛ̀ kɛɛ múin. Nì wuɖu ɓèɔ̀ mɛ ɓá Geɖepɔɔ Wuɖuɔ̀ dyí, ké ɔ dyi wɛ̃̀ìn ní, m̀ mɛ zà ɖɛɔ̀ jè wuɖuún ɖé Baɓoɔ mìɔùn mú. Hwɛ̀ ɓɛ́ m̀ ké dyuò-ɖɛ̀ ɖò mɔɔ bɔ̃̀ ɖò mɔɔ dyí-dyé-ɖɛ̀ ɖò mɔɔ dyí-tɛ̀mɛ̀ìn-ɖɛ̀ tɔ̀ɔ̀ ɓè jè cɛ̃ ní, nyɔ mɛ ɓɛ́ìn dɛ̀ wa sɔ̀ìn nyɛɛ hwòɖò kɔ̃ dèɛ̀, ké wa mɛ mɔ̀ kàùn-ɖɛ̀ ɓè.

Nyùìn céè-ɖɛ̀ ɓè kũ̀à mú dyí-sɛ́ɖɛ́ìn-kà. Zaìn vɔ̀sì ɓè kɔ̃in ɓá fɔ̀nɔ̀-hwòɖò nìà wa ɖeiɛ kè Baɓoɔ hìɖì-kpà ɔ kè céè-ɖɛ̀ ɓè ɓɛ́ “gbo-nì-nyɔ̀ ɓɛ́ ɔ fɔ̀nɔ̀ hwòɖò, ké nyɔ ɓɛ́ìn ɔ hwòɖò kɔ̃ dèɛ̀” kɛ céè kɛɛ dyí. (Máf 24:45) Nyùìn céè-ɖɛ̀ ɓè se Baɓoɔ dyí ɓá kɛɛ kũ̀à mú ɓá ɖɛ mɔ̀ wa fɔ̀nɔ̀-hwòɖò jɛ́ɛ́ kè waà céè-nyɔ̀ ɓèɔ̀ hwòɖò-kpàìn-ɖɛ̀ kɛɛ dyí.

Zaìn dyí-tɛ̀mɛ̀ìn-ɖɛ̀ɔ̀ jè kɔ̃in. M̀ ɖà vɔ̀sì ɖò wuɖuún zà mɔɔ dɛ̀ ɖɛ ɖò sɔ̀ìn nyɛɛ nyɛ́nɛ́ ɖá ní, diè ɖɛi sɛ́ɖɛ́-kà, mɔɔ poìn fɔ̀nɔ̀-hwòɖòɔ̀ ɖɛí, ɓɛ́ m̀ ké nyɔ ɓèɔ̀ gbo kpá, ɓɛ́ wa ké ɖɛ múin wɔ̃́.