Gã dyi-dyé-ɖɛ̀ ɓè ɓɛ́ wa nɔ̀mɔ̀ìn nì ɖɛ-tɛ̀mɛ̀ìn-tɛ̀mɛ̀ìnɔ̀ dyíin nyɛ. Nyùìn mɛɛ-ɖɛ̀ ɓè mɔɔ ɓóɖó-mɛ-dèìn-cèè-ɖɛ̀ ɓè mɔɔ ɖɛ ɓè kpá-tì ɓè, mɔɔ dyi-dyé-ɖɛ̀ tɔ̀ɔ̀ ɓè kũ̀à mú, ɓɛ́ m̀ ké fɔ̀nɔ̀-hwòɖò kpa ɖɛ ɓè jìì taɓa, ké ɔ se ɖɛ ɓè se ɖɛ kpa cá kɛ. Kpá nyɔ ɓè m̀ wùɖùà gboɛɛ gbo, ɓɛ́ dyi-dyé-ɖɛ̀ɔ̀ ké se wa hwìɖìi sè ɖòùn pu, kɛɛ ɓɛ́ cɛ̃́ɛ́-ɖɛ̀ɔ̀ ké wa hwìɖìi sè ɖekè.

Nyuɛ ɓɛ́ nyɔ ɓè m̀ wùɖùà gboɛɛ ké dyi-dyé-ɖɛ̀ɔ̀ dyéɛ ɓɛ́ìn.