Céè-Ðɛ̀ɛ̀ Jè Kɔ̃in Zaìn-Zaìn
Gèɖèpɔ́ɔ̀ nì kà ɖɛ̀ɓɛ̀ǐn-ɖɛ̀ɓɛ̀ǐn ɓǎ nìà kɛ. 1 Píɖɛ̀ 5:6, 7
Gèɖèpɔ́ɔ̀ mɔ̀ nyɔ mɛ à nììn, ké ɔ kɔ̃̀ ɖé ɓěà jè gbo. Kà ɓɛ́ nyɔǔn ɓǎ ɓɛ́ ɔ ɓéɖéà fɔ̀nɔ̀-hwòɖǒ kè ɖɛ̀ɓɛ̀ǐn-ɖɛ̀ɓɛ̀ǐn nyɛɛ tɛ̀mɛ̀à ɔ dyú ɓě kà wa ké cĩ́-cĩ́ nɔ̀mɔ̀ dyíin ɓéɖéɛɛ, Gèɖèpɔ́ɔ̀ nyuɛ náa à bìì ɖekè.
Gèɖèpɔ́ɔ̀ tɛ̀mɛ̀ìn à jǎà ɓɛ́ ɔ kpa ɖɛ, ké ɔ nyí à múà kè hwòɖǒ-kɔ̃-dè-ɖɛ̀.
Ɔ jũ̌ ké m̀ dyi Gèɖèpɔ́ɔ̀ ɖùǔ gbo tò ní, nìí, ɔ mu m̀ hwìè da zàìn, ké ɔ mu m̀ dyí gmɔ̀ùn, ké ɔ mu m̀ gbo kpáùn ɖé ti kàmàǔn-kàmàǔn mú.
Kɛɛ ɔ seɛ séín, sepóɛɖé m̀ mu sè-ná-sèɛ̀ fɛ̀ɛ̀ ɓéɖéìn.
Gèɖèpɔ́ɔ̀ ɖá m̀ mɛ ‘dyi ɔ gbo.’ M̀ mɛ ‘tò ɔ ɖùǔ gbo ɓɛ́ m̀ ké cĩ́.’ Àzédyà 55:3
Nì Mu Ɖɛ Nìà Kɛ Mú Ɖɛ̀ɓɛ̀ìn Dyɛ̀
ESSENTIAL BIBLE TEACHINGS
Gèɖèpɔ́ɔ̀ Ɓéɖé Nyɛ́nɛ́ɛ̀?
Gèɖèpɔ́ɔ̀ ɓéɖé dya-dè-nyɛ̀nɛ̀ pàɖǎ ɓě, wa mɔ̀ Kpé-séín-ɓéɖé-nyɔ̀ kè Ðɛ-séín-mɛ-nyɔ̀ ɔ kè Bounɓo. Kɛɛ wa nyùìn Gèɖèpɔ́ɔ̀ nyɛ́nɛ́ɔ̀ kũ̀à mú kpa 7,000 ɖé Ɓóɓòɔ̀ mú.
