2019-2020 Wé Dyúáɖò Dyí-Poìn-Poìn Vɛ̀nɛ̀ Hwɔ Kĩ́ín—Ɓɛ́ Dyí-Poìn-Kpò Kɔ̃in-Té-Nyɔ̀ Ðò Nì Kɔ̃in Nyɛ
Nyùìn hwɔɔ̀ ɖífèɖèɔ̀ kũ̀à mú ɓɛ́ m̀ ké wé dyúáɖò dyí-poìn-poìn vɛ̀nɛ̀ sɔ̃́ nììnɔ̀ ɖùǔ gbo tò. Dyí-poìn-poìn-vɛ̀nɛ̀ sɔ̃́ nììnɔ̀ hìɖì-kpà mɔ̀, “Ðɛ̀ɓɛ̀ǐn-Ðɛ̀ɓɛ̀ǐn Kùìn Nyɔ Dyi.”
“Ðɛ̀ɓɛ̀ǐn-Ðɛ̀ɓɛ̀ǐn Kùìn Nyɔ Dyi”
Hwɔɔ̀ mu kà ɖɛ-dyí-dyuò-dyuò ɓúáìn nyu dyí kè kà ɖɛ̀ɓɛ̀ǐn-ɖɛ̀ɓɛ̀ǐn kùìn nyɔ dyiɛ ɔ kè kà ɖɛ séín à mu wɛ̃ɛ, à mɛ nyu wa ɖé ɖɛ̀ɓɛ̀ǐn-ɖɛ̀ɓɛ̀ǐn múɛɛ jè kɔ̃in zaìn.
Dyé Gɔ̃̌-Jǔ-Wùɖù Ɓě Ɓó Dyi-Diè-Ðɛ̀ Ɓě Nìà Kɛ Jè
Wa mu dyi-diè-ɖɛ̀ ɓě nìà kɛ gɔ̃̌ jǔùn hwɔɔ̀ tiín.
