À séín kpá wììn tiɔ̀ ɖíɛ́ ɓè ɓaɖa. Wììn-kpá-kpá se kpéí-hwɛ̀-hwɛ̀ ɖé zùùɔ̀ wáká kɔ̃. Jɛhova mìɔùn tɛ̀mɛ̀ìn kà ɔ kpá wììn tiɔ̀ ɖíɛ́ ɓè ɓaɖa kɛ. (Jɛ́ 6:5, 6) Kɛɛ, ɔ jù ké à dyi wììn kpá mìɔ kpɛ́-kpɛ́ mɔɔ ti séín ní ɖé?

Zɔ̀ìn Jɛhova gbo-kpá-sɔ̃̀. À hwòɖò-dyùàɔ̀ mú wóɖó jè kpɔ̃ Jɛhova hwòɖò mìɔ cá. Ɔ dyuò à múàùn-kpá-kpá kè à wììn-kpá-kpá dyí. Ɔ dyuò kà à hwìɖìi-poìn-poìn kè à hwòɖò nyu nìɛ̀ kɛɛ dyí, ké ɔ wɔ̃́ xwíníín kɔ̃̀ jè ɔ nìà ná kɛɛ múin. (Wɛ́ 7:9b) Ðɛ kpa ɖɛ mìɔ kɛɛ mɔ̀, Jɛhova kɔ̃̀ ɖé à jè gbo, ké ɔ kpá à gbo ɓɛ́ à ké wìì kè hwòɖòɛ̀-ɖé-ɖei-kpá-kpá hwòɖò kùìn.—Wɛ́ 34:18.

Gmɔ̀ nì hwòɖò-dyùàɔ̀ dyí. Hwòɖò-dyùà nɛɛ̀-nɛɛ̀ ɓɛ́ìn à múà kè à ɓiè-ɓièɔ̀ hwìi zàìn. Xwíníínà kɔ̃̀ jèɛɛ, ɔ mu dyíin nɔ̀mɔ̀ùn ɓɛ́ à ké à hwòɖò-dyùà—mɔ̀à nyɔ à jùà ɖé xwíníín nyɛɛ dyí gmɔ̀.—Nɔ́ 4:23.

DYÉ VÍÐÒ MƆ̀À, KÀ À ÐÍÍ ƁÈƆ̀ NÌ GÌÐÌI MÚÀÙN DYI KPÁÌN KƐBÌ WA HWÒÐÒ MƐ KPÁ ÐÉ ÐEIƐ KƐƐ DYI, NÌÍ, ƁƐ́ ƁÈ KÉ DYI-DIÈ-ÐƐ̀ ƁÈ KƆÀ ƁÓ DYÍƐƐ GƆ̃̀ JÙ:

• Ðɛ́ mɔ̀ nyuu-ɖɛ̀ ɓè ɓɛ́ Nìkíì nyu ma ɓɛ́ ɔ ké ma hwòɖòɛ̀-ɖé-ɖei-kpá-kpá hwòɖò kùìn nyɛ́?

  Nì gɔ̃̀-jù-wùɖùɔ̀

• Xwíníínɔ̀ nyɛ́ kɔ̃̀ jè Níkíì hwòɖò ɖá ɔ kɔ̃̀ ɔ ké ma píɖɛín mú kɛ́?—Máf 9:12

  Nì gɔ̃̀-jù-wùɖùɔ̀

• Hwìè nyɛ́ ɓè kɔ̃̀ mú Nìkíì dè ma Jɛhova hwòɖò kɔ̃ kɛ́?

  Nì gɔ̃̀-jù-wùɖùɔ̀