• Wɛ́ 86:11—Ðɛ́ Dèɓéɛ̀ ɓaà-wùɖùɔ̀ tɛ̀mɛ̀ìn à dyí ɓá nyɔ ɖòɛ̀ hwòɖò-dyùà jè dyíɛ́? (it-1-E 1058 ¶5)

  Nì gɔ̃̀-jù-wùɖùɔ̀

• Ðɛ́ mɔ̀ zùùn kɔ́mɔ́-ɖɛ̀ ɓè sɔ̀ìn ɖé wíkì nìà kɛ Baɓo wuɖuún-zà-zàɔ̀ mú, ɓɛ́ nì mu mɔ́ùn ɓɛ́ m̀ ké jè cɛ̃ kɛ́?

  Nì gɔ̃̀-jù-wùɖùɔ̀

Po VÍÐÒƆ̀ kũ̀à gbo. Nìí, diè nyɔ ɓèɔ̀ dyi:

• Xwíníínɔ̀ nyɛ́ kɔ̃̀ jè tiɔ̀ ɖíɛ́ ɓè ɓaɖaín à mɔ́à saa dyi ɖé wuɖu-wáɖá-kũ̀àɔ̀ múɛ́?

  Nì gɔ̃̀-jù-wùɖùɔ̀

• Xwíníínɔ̀ nyɛ́ kɔ̃̀ jè à mɛ ɓɔ́à saa kɛ́?

  Nì gɔ̃̀-jù-wùɖùɔ̀

M̀ ɖà Baɓo cɛ̃́-cɛ̃́ ɖò gbɔ dèè dyììn ɖé Kpáìn Fɛ̀ɛ̀ Múàùn Dyi Ɓó Sè-Ná-Sèɛ̀ Tiín! Bòɖòsóòɔ̀ kũ̀à-mú-nyùìn-nyùìn mú ɖé dɛ̀nɛ̀ nìà kɛ bɔ̃̀-dyi-ɓèìn-ɓèìn kpá wákáɔ̀ múù? Ɔ dyi ná nììn, nìí, ɔ mɔ̀ múà-ɖɛ̀ ɖò cá ɓó m̀ bìì! Nì nyuu-ɖɛ̀ɔ̀ po dyɛ̀ nyɔ tɔ̀ɔ̀ ɓè kpéí ɖekè. Ké ɖeɛɛ, ɔ jù ké m̀ séè Baɓo cɛ̃́-cɛ̃́ ɖò gbɔ dè ke ní, m̀ ɓɛ́ìn dyɛ̀ hwìɖìi poɛ̀n nìɛ̀ kɛbì nì nyuu-ɖɛ̀ɔ̀ wóɖó mú jɛ́ɛ́ cá ní. Ðɛ́ m̀ ɓɛ́ìn nyuɛ ɔ jù ké nì hwòɖò dyi ɖé ɖei kpá ɓá ɖɛ ɓè sɔ̀ìn ɖé nì kũ̀à-sɔ̃̀ɔ̀ múɛɛ jè dyí níɛ́?

Po ÐƐ-ÐÒƐ̀-NYU-KÀ VÍÐÒ nìà kɛ kũ̀à gbo, “À Tɛ̀mɛ̀ìn Nyɔùn Dyí Kà À Mɔ̀ Geɖepɔɔ Gbo-Nì-Nyɔ̀ Kɛ. À Ku Hwòɖò” —À Dyi Wuɖu Wáɖáuń Nììn. Nìí, diè nyɔ ɓèɔ̀ dyi:

• Xwɛ̀ 2 Kɔ̀ɖeíntĩ̀ɔ̀ 6:4, 6 ɓɛ́ìn à gbo kpáa ɔ jù ké à wuɖu-wáɖá-kũ̀àɔ̀ dyi nì kà “ɖɛ fóɖóún” ɖò nìà kɛ níɛ́?

  Nì gɔ̃̀-jù-wùɖùɔ̀

• Ðɛ́ mɔ̀ ɖɛ-gbo-zĩàìn-zĩàìn ɓè m̀ ɓɛ́ìn nyuɛ, ɔ jù ké m̀ dyiɛ hwìɖìi poìn kà ɖɛ séín m̀ nyu ɓó Baɓo cɛ̃́-cɛ̃́ gbɔ dè jèɛɛ ní wóɖó ɖɛín-ɖɛ̀ ɖò gbo níɛ́?

  Nì gɔ̃̀-jù-wùɖùɔ̀

Ɔ mɛ nì m̀ hwìɖìi, kà à múàɔ̀ se Baɓo cɛ̃́-cɛ̃́ jĩ̀-kà à dè gbɔ mɔɔ à nyuɛɛ dyí ɓá kɛ. Kɛɛ, múàùn-kpá-kpá sɔ̀ìn ɖé ɔ dyí-dyuò-dyuò kà ɓɛ́ Jɛhova hwòɖò dèìn à dúún-ku-kuɔ̀ múin nyɛɛ mú. (Ðúù 10:17-20) Ɔ jèɛɛ, m̀ mɛ kpá bɔ̃̀-dyi-ɓèìn-ɓèìn kpá wáká nìà kɛ hwìɛ̀ hwòɖòɛ̀-ɖé-hwɛ̀-kà, ɓɛ́ m̀ kéɛ dyí dyuò “kà ɖɛ ɓè ɓɛ́ m̀ nyu Bounɓoɔ bììɛɛ, m̀ se wa nyu pídyiɛ”!—1Kɔ̀ 15:58.