• Wɛ́ 80:1—Xwíníínɔ̀ nyɛ́ kɔ̃̀ jè wa nyùìn ma Jòséɛ̀ nyɛ́nɛ́ɔ̀ kũ̀à mú tiɔ̀ ɖíɛ́ ɓè ɓaɖa ɓɛ́ wa ké ma Éézùɖùɛ̀ xwéɖé-dù séín ɓèɔ̀ jè cɛ̃ kɛ́? (it-2-E 111)

  Nì gɔ̃̀-jù-wùɖùɔ̀

• Ðɛ́ mɔ̀ zùùn kɔ́mɔ́-ɖɛ̀ ɓè sɔ̀ìn ɖé wíkì nìà kɛ Baɓo wuɖuún-zà-zàɔ̀ mú, ɓɛ́ nì mu mɔ́ùn ɓɛ́ m̀ ké jè cɛ̃ kɛ́?

  Nì gɔ̃̀-jù-wùɖùɔ̀

Sétɔ̃̀ dè ma Jɛhovaa nyɛ́nɛ́ɔ̀ dyíin nyìnìɛ̀n gbɔ ɖé Ídɛ̃̀ìn-ɓàà-ɖɛ̀gbàɔ̀ mú. Sɔ̀ìn ɓó tia gboɛɛ, Jɛhovaa nyɛ́nɛ́ɔ̀ dya dè jè ɖà ɖɛ ku wɔ̃ ɖò jù cá ɓó nyɔùn kè ínjà ɓèɔ̀ bìì.

Poìn se gbà ɓè ɓɛ́ Sétɔ̃̀ ɖà Jɛhova wĩin tɔ́mɔ́ìn nyɛɛ ɖíɛ́ ɓè jè hwìɖìi. Ɔ ɖá Jɛhova mɔ̀ nyɔ-nàìn-nyɔ̀ nyìnììn hwòɖò kɔ̃in ɓɛ́ ɔ kpɔ̃ nyɔ kàná-kà kɛ. (Jɛ́n 3:1-6; Jó 4:18, 19) Ɔ cɛ̃ɛ kà ɓɛ́ Jɛhova ɓiè-nyɔ̀ ɓè se ɔ mú ɖɛ̀ɓɛ̀ kɛ. (Jó 2:4, 5) Ɔ ɖàa nyu ɓɛ́ nyɔ méɔ̀ùn ɓè kéɛ jàà po kà Jɛhova mɔ̀ nyɔ se mɛɛ-ɖɛ̀ nɔ̀mɔ̀ kɔ̃in ɓè nìà à ɖeiɛɛ Mɛ-Nyɔ̀ kɛ.—Wó 1:20, 21.

Xwɛ̀ se ɓè nìà wɛ nyu nì hwòɖòɔ̀ nyuɛ kɛ́? Wa nyuɛ ké m̀ mɔ́ Jɛhova bìì vɔ̃ɔ dyi dyɛ̀! Jɛhova dyuòɛ̀ kà ɓɛ́ ɔ nyɔ ɓèɔ̀ mu ma gbo-kpá-sɔ̃̀ tòɛ̀ mɔ́ùn, ɓɛ́ wa ké ɔ nyɛ́nɛ́ɔ̀ dya dè kɛ. (Poɛ̀n kè Àzédyà 29:23 dyí.) Xwɛ̀ m̀ ɓɛ́ìn gbo-kpá-sɔ̃̀ tòɛ̀ kɛ́?

• Kpá nyɔ tɔ̀ɔ̀ ɓè gbo ɓɛ́ wa ké Jɛhova dyí dyuò, kè ɓɛ́ wa ké ɔ mú ɖɛ̀ɓɛ̀. (Jɔ̃́ɔ́ 17:25, 26) Dyé ti ɓɛ́ m̀ ké ɖɛ ɓè tɛ̀mɛ̀ìn kà ɔ nì kɛɛ jè cɛ̃, kè ɓɛ́ m̀ ké nyɔ tɔ̀ɔ̀ ɓè ɖɛ tɛ̀mɛ̀ìn ɓá ɔ dĩ́ín-dĩ̀ìn-kpèɖè ɓèɔ̀ jè dyí.—Àzé 63:7

• Ðɛ̀ɓɛ̀ Jɛhova mú hwòɖòɛ̀-ɖé-hwɛ̀-kà. (Máf 22:37, 38) Kpɔ̃ Jɛhovaa gma ɓèɔ̀ dyi—ɓɔ́ɔ nyuɛ sepoɛɖe wa nɔ̀mɔ̀ dyíin ɓó m̀ bìì jè pu ɖòùn—kɛɛ nyuɛ ɖekè sepoɛɖe m̀ mɔ́ Jɛhova múàùn poɛ dyi jè.—Nɔ́ɔ́ 27:11

Po VÍÐÒ nìà kɛ kũ̀à gbo, Ðɛ̀ɓɛ̀ìn-Ðɛ̀ɓɛ̀ìn Se Mánáín-Hwɛ̀ìn-Naín Ðò Kɔ̃̀ Kɛbì Ɔ Mɛ Mɔ̀ . . . Sùkúù Ðò Kɔ̃̀ Mú Wa Se Geɖepɔɔ Jè Dyuòɛ. Nìí, diè nyɔ ɓèɔ̀ dyi:

• Xwɛ̀ Àwíɖíà kè Díékò nyu ma Jɛhovaa nyɛ́nɛ́ɔ̀ jè vɔ̃ɔ kɛ́?

  Nì gɔ̃̀-jù-wùɖùɔ̀

• Ðɛ́ po ma wa kpéí ɓɛ́ wa dyi ma kà Jɛhova zaa zi kɛ́?

  Nì gɔ̃̀-jù-wùɖùɔ̀

• Xwɛ̀ m̀ ɓɛ́ìn wa ɓo-bɛ̃̀ìn síɛ kɛ́?

  Nì gɔ̃̀-jù-wùɖùɔ̀