• Wɛ́ 92:5—Xwɛ̀ wuɖu ɓè nìà kɛ nyu Jɛhovaa fɔ̀nɔ̀-hwòɖòɔ̀ mɛ dèɛ̀ kɛ́? (cl-E 176 ¶18)

  Nì gɔ̃̀-jù-wùɖùɔ̀

• Ðɛ́ mɔ̀ zùùn kɔ́mɔ́-ɖɛ̀ ɓè sɔ̀ìn ɖé wíkì nìà kɛ Baɓo wuɖuún-zà-zàɔ̀ mú, ɓɛ́ nì mu mɔ́ùn ɓɛ́ m̀ ké jè cɛ̃ kɛ́?

  Nì gɔ̃̀-jù-wùɖùɔ̀

Nyɔ ɓè ɓɛ́ wa ɓiè Jɛhova kɛɛ se hwòɖò-dyií-gbaìn-gbaìn dyí viè. Ɔ hwɔìn-kà, Dèɓé dyé ma hwòɖò-dyií-gbaìn-gbaìn dyí ɓó ti kò-kò ɓè ɓaɖa ɖé ɔ cĩ́-cĩ́ɔ̀ mú, ké kà à ɖíí ɓèɔ̀ pàɖà nyu nìɛ̀ zɛ̃̀ɛ̀. (Wɛ́ 13:2; 139:23) Wìì-ɖɛ̀ɔ̀ mɔ̀, nyɔ gmɔ̀ ɓè mɔ̀ùn dyé ɖɛ dyúáɖòɔ̀ dyí ɖekè. Tiɔ̀ ɖíɛ́ ɓè ɓaɖaín, hwòɖò-dyií-gbaìn-gbaìn ɓɛ́ìn nyuɛ ɓɛ́ ti séínɛ̀ nyuu-ɖɛ̀ ɓè, ɔ hwɔìn-kà sùkúù mu-mu mɔɔ dyí-poìn-poìn ɓèɔ̀ mú mu-mu ké gbɛ̀ ku xwa ɖò hwɛìn. Ɔ ɓɛ́ìn hwòɖò-dyùà dyi-giniìn-giniìn mɔɔ nyɔ mìɔùn beè jè hwìɖìi-poìn-poìn gbo wóɖóɛ.

Nyɔ gmɔ̀ ɓè, ɔ jù ké hwòɖò-dyií-gbaìn-gbaìn dyi ɓè ma ní, ɓè mɛ wùɖù ɓèɛ̀ wóɖóìn-nyɔ̀ ɓè mɔɔ nyɔ hwɛ̀ ɖɛ ɖò gbo. Vɔ̃ ɓɛ́ m̀ ké Jɛhova gbo-kpá-sɔ̃̀ zɔ̀ìn. (Fè 4:6) Ɔ mu m̀ gbo kpáùn. (Wɛ́ 94:17-19; Àzé 41:10) Poìn Sítíìnɛ̀ ɓo-bɛ̃̀ɔ̀ jè hwìɖìi.

Po VÍÐÒ nìà kɛ kũ̀à gbo, Jɛhova Kɔ̃̀ Ma Ðé Ḿ Jè Gbo. Nìí, diè nyɔ ɓèɔ̀ dyi:

• Baɓo vɔ̀sìɔ̀ nyɛ́ kpá ma Sítíìn gbo kɛ́, ké xwíníínɔ̀ nyɛ́ kɔ̃̀ jèɛ́?

• Xwɛ̀ Jɛhova nyu ma ɔ jè gbo kɔ̃̀ɔ̀ kɛ́?

Wóɖóìn-nyɔ̀ ɓè, ɓè ɓɛ́ìn ɓèɛ̀ dyú ɓèɔ̀ gbo kpáa ɓɛ́ wa ké hwòɖò-dyií-gbaìn-gbaìn wɔ̃ zi dyììn ɖé wa ɖùù gbo tò-tò mú hwòɖò-ku-kà, kè dyììn ɖéɛ wa gbo-cɛ̃-cɛ̃ mú kà m̀ ɖɛ̀ɓɛ̀ wa múɛ, ɔ kè dyììn ɖé wa gbo-kpá-kpá mú ɓɛ́ wa ké Jɛhovaa ɖɛ̀ɓɛ̀ìn-ɖɛ̀ɓɛ̀ìnɔ̀ hwòɖò kɔ̃ dè. (Tá 2:4; Jĩ́ìn 1:19) Dè Jɛhova hwòɖò kɔ̃, ɓɛ́ ɔ ké hwòɖò-dyi-dè-dè kè kpé m̀ mɔ́ ɓɛ́ m̀ ké nì dyú ɓèɔ̀ gbo kpá kɛɛ m̀ nyí.

À seɛ dyɛ̀ dyí dyuòɛ̀ mu kà nyɔ ɖò nì ɖé dyí-poìn-kpòòɔ̀ múɛɛ nì hwòɖò-dyí-gbaìn-gbaìn ku wɔ̃ ɖò mú mùɛ̀n nyɛ, mɔɔ à se kà ɔ hwòɖò nyu nìɛ̀ kɛɛ dyí dyuòɛ̀ mu. Kɛɛ, à ɓɛ́ìn nyuɛ ɓɛ́ nyɔ séín nì ɖé dyí-poìn-kpòòɔ̀ múɛɛ kéɛ dyí dyuò kà à ɖɛ̀ɓɛ̀ wa mú, ké à kpɔ̃ wa jè dyiɛ.—Nɔ́ɔ́ 12:25; Híì 10:24.